RTAP CUM ERGUNA GBKP KLASIS SIBOLANGIT I AULA KANTOR GBKP KLASIS SIBOLANGIT

Ibas wari selasa,16 Juni 2015, ringan I Aula Kantor GBKP Klasis Sibolangit, ilakoken me Rapat Tahunan Anggota Penuh Credo Union Modifikasi ERGUNA GBKP Klasis Sibolangit. Ibas pelaksanaan na RTAP CUM Erguna enda ibenaken alu kebaktin singkat emaka ilanjutken ku pengogen laporen pengurus CUM Erguna TB 2014-2015. Arah laporen Ketua CUM ERGUNA eme Bpk. Johanes Bangun ras manager Pdt. Anna Br Surbakti ipaparken kerna pelaksanaan pelayanen Diakonia Transformatif bagepe unit usaha si enggo ilakoken CUM Erguna eme Percetaken. Ibas TB 2014-2015 Buena anggota penuh eme 23 kalak, anggota biasa 3 kalak.

Program si enggo ilakoken eme rapat pengurus CUM, ngikuti seminar pengembangen CUM si ilakokenj BAPUS CUM GBKP, sosialisasi CUM bagepe usaha percetaken ras toko buku. Ibas perdalinen program si enggo ilakoken lit sura-sura pengurus guna mengembangken pelayanen ibas CUM Erguna alu erbahan ngelitken BERAS CUM si enggo terjamin kualitasna, janah iarapken alu jaringen CUM se-GBKP banci erdalen. Bagepe ngenehen usaha si ikelola anggota CUM Erguna segelah CUM banci nampati ibas pemasaren bagepe pendampingan segelah tuhu-tuhu tetap teridah peningkaten perekonomian jemaat khususna si menjadi anggota CUM.

Ibas RTAP e pe BP. Klasis Sibolangit tetap mendukung pelayanen Diakonia Transformatis si ilakoken CUM ERGUNA enda ibas wilayah GBKP Klasis Sibolangit, aminna melala nge kegiaten-kegiaten si seri bagi kegiaten si lakoken CUM erguna enda. Arahen arah BAPUS CUM GBKP si iwakili Pdt. Miron Y. Sitepu mpetetap ukur pengurus CUM segelah tetap eksis ibas pelayanen CUM enda. BAPUS CUM GBKP nuriken perkembangen CUM si lit I GBKP si sangana bergerak. Ibas laporen BAPUS CUM GBKP ku Sinode GBKP teridah potensi si lit bas CUM tuhu-tuhu harus iperhitungken, guna nambahi gegeh pelayanen GBKP itengah-tengah Jemaat bagepe jelma sinterem.

Anggota CUM Erguna si hadir pe antusias ibas muat bagin segelah pelayanen CUM Erguna enda banci itingkatken. Kulebe CUM Erguna erbahan kerjasama permodalen ras CUM Sada Arih GBKP RG Bawang, bagepe ibas pemasaren beras CUM Erguna ras Parang CUM Sada Arih. Iarapken man kita si membutuhken beras, gula merah, gula tualah, nira ras parang/sekin si berkualitas banci menghubungi CUM Erguna I kantor GBKP Klasis Sibolangit bagepe CUM Sada Arih I GBKP Rg Bawang. RTAP enda itutup alu pertoton sekaligus man ciger.

BAPUS CUM GBKP mengucapken selamat RTAP CUM ERGUNA GBKP Klasis SIBOLANGIT Tahun 2015. (Humas BAPUS CUM GBKP/Pdt. Miron SItepu, S.Th)

Komentar

Mungkin Anda Menyukai