Kunjungan Evaluasi dan Monitoring BAPUS CUM GBKP ku CUM Ulih Arih Ersada (UAE) GBKP Rg Basam Klasis Barus Sibayak

Pelayanen CUM unit-unit si lit eme salah sada perpanjangan tangan gereja ibas tetap ncidahken Diakonia Transformatif itengah-tengah jelma sinterem khsusna jemaat GBKP. Janah salah sada hal si penting eme evaluasi ras monitoring guna ngidah pengaruhna ibas mendukung pelaksanaan tahun peningkaten social,budaya ras ekonomi si menjadi tema tahun 2015. Badan Pusat CUM GBKP selaku perpanjangen tangan Moderamen GBKP ngelakoken kunjungen evaluasi ras monitoring ku CUM Ulih Arih Ersada GBKP Runggun Basam ibas wari minggu, 2 Agutus 2015. Utusen si reh eme Pdt. Novita HR Br. Surbakti ras Pdt. Miron Yedija Sitepu. CUM Ulih Arih Ersada enda banci ikataken nguda denga tapi sue ras gelarna eme Ulih Arih Ersada, nggo banci nampati pelayanen Gereja eme ibas mendukung panitia pembangunen Gereja GBKP Runggun Basam. Tentuna e jadi keriahen ukur perpulungen erkiteken megati ibas pembangunen gereja rusur terkendala ku bas ngelitken dana. Hal sidebanna eme guna mpegegehi anggota CUM Ulih Arih Ersada ibas permodalen subuk ibas usaha bagepe sinuan-sinuan.

Arah percakapen si ilakoken utusen BAPUS CUM GBKP ras Pengurus CUM Ulih Arih Ersada, pengurus nuriken suka duka ras kesaksinna sedekah ngelai ibas pelayanen diakonia Transformatif enda, amin na megati mekuah ate ibas ngelai anggota si ersura-sura investasi saham cash anggota CUM tapi pengurus tetap ituntut disiplin ras ndalanken prosedur ibas system si enggo iaturken ibas CUM GBKP segelah la lit persoalen ibas anggota CUM ngulihken saham cash si enggo ipergunaken alu ertanggungjawab.

Ibas kesempaten e isepakati erbahan pendidiken man pengurus CUM Ulih Arih Ersada alu kerjasama ras Badan Pusat CUM GBKP si irencanaken ilakoken ibas pertengahen bulan Agustus 2015 enda. Bagepe guna mpebagesi pengangkaan kerna pelayanen diakonia transformative enda. Tanggapen arah pengurus CUM UAE enda pe tuhu-tuhu positif erkiteken ibas kesibuken ras keterbatasen waktu megati ibas pelaksanaan pelayanen si ilakoken tep-tep minggu dung mulih gereja enggo jadi sada rutinitas rasp e menuntut pengurus ras manager guna pro aktif ibas pelayanen e.

Ibas kesampaten e BAPUS CUM GBKP sempat ercakap-cakap man piga-piga anggota CUM si ngelakoken transaksi ibas wari minggu, 2 Agustus 2015 enda. Janah nggejapken penamapat ibas pelayanen CUM enda ibas mabai anggota pentar ibas ngkelola perduiten ras kiniteken ibas diri ras jabu-jabu. Selamat Melayani man kita kerina pengurus, manager ras anggota CUM ibelang-belang GBKP enda. (Humas Bapus CUM GBKP/Pdt. Miron.Y.Sitepu)

Komentar

You May Also Like