Rapat Tahunan Anggota penuh C.U.M Kekelengen GBKP Klasis Berastagi

Ringan I Kantor GBKP Klasis Berastagi. Kamis, 24 Juli 2015 Anggota CUM Kekelengen GBKP Klasis Berastagi erbahan Rapat Tahunan Anggota Penuh (RTAP) CUM Kekelengen. Ibenaken alu kebaktin singkat si babai Pdt. Kasir Purba nuriken uga sura-sura Dibata berbeda ras sura-sura Manusia, emaka manusia arus nggejapken sura-sura Dibata jadi ku bas kegeluhenna jine.

Ibas kesempatan e iogeken me kerna laporen CUM Kekelengan GBKP Klasis Berastagi, kondisi/situasi bagepe kerna pemekaren Klasis she maka berpengaruh ku bas keanggotaan ras pelayanen CUM itengah-tengah Klasis Berastagi. Dung iogenken kerna laporen ilanjutken kerna tanya jabab ras usul-usulen. Piga-piga keputusen ibas RTAP enda eme kerna peralihen pengelolaan ras kepengurusen CUM Kekelengen enda iserahken ku BAPUS CUM GBKP guna menindaklanjuti ibas pemekaren Klasis Berastagi ras Klasis Barus Sibayak. Tetap ras-ras erdahin ras pengurus CUM sindekah si melayani denga ibas GBKP Klasis Berastagi.

Utusen mewakili BAPUS CUM GBKP eme Pdt. Petros Abiatar Sitepu, Pdt. Novita HR Br Surbakti ras Pdt. Miron Yedija Sitepu ngataken bujur man kerina anggota CUM Kekelengen, pengurus ras BPMK GBKP Klasis Berastagi ibas kerina kerjasama ras kiniersadaan arih ibas pelayanen CUM sedekah enda, subuk si tetap melayani iGBKP Berastagi bagepe si melayani ibas Klasis pemekaren eme Barus Sibayak.

Ku lebe enda ibas masa transisi Bapus CUM GBKP ngaturken kerna pelayanen CUM Kekelengen segelah tetap teridah kiniulin ras perkembangenna. Iarapken maka kerna anggota CUM Kekelengen tetap tutus ras setia. Bagepe ngelakoken pendekaten ras sosialisasi man GBKP Klasis Barus-Sibayak. BAPUS CUM ngataken Selamat ibas RTAP CUM Kekelengen GBKP Klasis Berastagi. Dibata simasu-masu. (Humas Bapus CUM GBKP/Pdt. Miron.Y.Sitepu)

Komentar

Mungkin Anda Menyukai