“Wajah Baru Semangat Baru ” Periodesasi Kepengurusan CUM MENARA GBKP Klasis Medan-Namorambe

Alu erdalanna waktu maka enggo she paksana CUM MENARA GBKP Klasis Medan-Namorambe ngelakoken pemilihen Pengurus CUM MENARA periode 2015 s/d 2018. Rapat pemilihen pengurus CUM Menara enda ilakoken ibas wari Rabu, 22 juli 2015 ringan I kantor GBKP Klasis Medan-Namorambe dung sermon Klasis. Ibabai pengurus CUM periode sindekah ras idampingi Badan Pusat CUM GBKP eme Pdt. Juli Anna Br Surbakti ras pdt. Miron Yedija Sitepu megiken laporen ibas kepengurusen sindekah termasuk evaluasi ras piga-piga cataten kerna kegiaten pelayanen si sedekah enda ilakoken CUM I kantor Klasis Medan-Namorambe enda.

Emaka ilanjutken ku bas pemilihen pengurus CUM MENARA periode 2015-2018 alu susunen pengurus eme: Penasehat ras Pengawas BAPUS CUM GBKP, BPMK GBKP Medan –Namorambe (Pdt. Imamat Tarigan), Ketua :Pt. Jusup Tarigan,Wkl. Ketua: Dkn. Terulin Sembiring, Sekretaris:Pdt. Rita Br. Ginting, Bendahara: Pdt. Serita Br Ginting,Tim Investasi : 1. Fera Ulina br Tarigan, 2. Pdt. Elisabet br Ginting, Manager/pengelola : BAPUS CUM GBKP (Pdt. Juli Anna Br Surbakti), Staff: Yerry Ertanta Sembiring.

Ibas kesempaten epe iputusken kerna perwakilen CUM Menara I GBKP Rg Namo Bintang segelah ndungi ras mpertanggungjababken kerna perdalinen pelayanen Cum si lit iGBKP Rg Namo Bintang segelah ibas proses pengalihen periodesasi enda teridah kejelasenna man anggota CUM Menara.Utusen mewakili BAPUS CUM GBKP eme Pdt. Juli Anna Br Surbakti ras Pdt. Miron Yedija Sitepu ngataken bujur ras nataken selamat ibas periodesasi kepengurusen enda, ras tetap erpengarapen segelah pengurus simbaru enda pe ersada arih ibas ngaturken perdalinen pelayanen CUM MENARA GBKP Klasis Medan-Namorambe enda. Acara enda itutup alu pertoton ras man ciger ras kerina anggota CUM si reh. Selamat melayani ikataken kami man Pengurus CUM Menara si terpilih, selamat bengket ku bas pelayanen Diakonia Transformatif itengah-tengah GBKP enda. (Humas Bapus CUM GBKP/Pdt. Miron.Y.Sitepu)

Komentar

Mungkin Anda Menyukai