Bahan Perpulungen Jabu-Jabu 07-13 Agustus 2016

Jagai Kulandu

Kuan-Kuanen 23 : 19 -21 ; I Korinti 6 : 19 – 20

 

“Dalam tubuh yang sehat terdapat jiwa yang sehat” Peribahasa enda rusur sibegiken. Selaku kalak Kristen, kulanta eme ingan tading Kesah si Badia. Ija Kesah si Badia e jadi pertanda man banta maka kita enda sikerajangen Dibata. Erkiteken ban kulanta e ingan Kesah si Badia alu bage kita arus njagai kebadiaan kulanta e gelah teridah kehamatenta ibas mpermuliaken gelar Tuhan.

Ibas kegeluhen enda, kita rusur iperhadapken ibas erbage-bage pilihen. Makeken kula guna hal si erguna ntahsa makekenca guna hal si la erguna, contohna : peras otak erjudi, mabuk, perkisat, narkoban ras sidebanna. Pilihen lit ibas tanta. Kunci utama ngelawan kerinana eme alu ngendesken kulanta man Dibata ras tutus erlajar kerna kataNa. Emaka tambah wari kita tambah meteh kai si benar ras lang gelah ersada ras Kesah si Badia. Kesah si Badia ngenca banci singajari kita meteh mehuli, alu bage kulanta  enda jadi atan seutuhna guna kemulian Dibata.

Bentuk khas kitab Kuan-Kuanen eme pedah-pedah Salomo ras dorongenna. Kitab enda la mbue ncakapken sejarah, hukum ras kegeluhen keagaman Israel. Kitab enda mereken gambaren kerna pengajaren praktis ras petunjuk guna ilakoken ibas jabu, sekolah, ras ibas lingkungen. Secara umum kitab enda mereken gambaren si cukup jelas kerna kegeluhen. Salah sadana, tangkas terang iturikenna kerna tindaken-tindaken tertentu lalap ngge mpeturah akibat-akibat tertentu. Emaka kalak si bijaksana beluh muat keputusen ope denga idalanken. Adi kalak bodoh rusuren muat dalan si la payo janah ngaloken akibatna. Eme sababna maka Heber/Jahudi kuno mereken dorongen man orangtua guna tegas ibas mendisplinken anak jabuna. Alu pengarapen anak e megiken kata janah ndalankenca ibas kegeluhen tep-tep wari, sabab adi la megiken kata maka kendelen ngenca sinialokenna.

Seri ras Rasul Paulus ibas memperjuangkan pengertin kebebasen secara Kristen ras kula. Tuhu maka perpulungen Korinti enggo ibebasken ntah pe iselamatken ibas kuasa dosa nari. Tapi labo berarti enda ka ngatakenca erkiteken bebas banci rate-ate. Situhuna kebebasen siibereken man manusia eme kebebasen sibertanggung jawab nehken sura-sura Dibata, alu bage kebebasenta arus terarah kubas dalan simehuli sentudu bagi sura- sura Dibata. Bagi siitekanken Rasul Paulus maka kita arus njagai kulanta sebagai ingan Kesah si Badia ringan la banci sipediat  kulanta e ingan kerina si melket (perbahanen dosa). Tapi sebalikna kita harus metenget ras kepate nandangi kalak silenga ngasup njagai dirina alu payo bagi kalak si kena pinakit sosial : ketagihen erjudi, narkoban, bagepe mabuk-mabuk. Sabab e erbahanca kita  pe kedungenna lanai bebas ibas nehken simehuli e. Contohna enggo mbue kalak terkena narkoba lanai tehna mbiar, ngasup ras pang ia erbahan jahat nangko bahkan pang munuh kalak emaka kita pe enggo mekisat ndarat rumah guna jumpa ras kalak sedeban ntah pe (“sosialisasi”) la kita tenang amin pe sitik ertanta sipepulung-pulung. Kalak si talu erjudi pe banci silap erbahan dosa. Jadi jelas kal adi la kita metenget ibas penakit sosial e, reh buena kejahaten ras reh tertabanna kita erbahan simehuli. Kebebasen si enggo ialoken manusia erkelangken Jesus Kristus labo ertina rate- ate kita ibas makeken kegeluhen ras kulanta, tapi kebebasen si enggo ialoken manusia si pakai guna kemulian gelar Tuhan. Erbahan si la mehuli nukahen asangken erbahan si mehuli. Tapi ulihna beda. Apai siipilihndu? Renungkenlah !

EVALUASI :

Uga kerna aksi PJJnta si lewat ?

DISKUSI :
  1. Uga nge pendapat perpulungen Korinti kerna kebebasen ras uga ka pendapat Rasul Paulus kerna kebebasen nandangi kula ?
  1. Kai ngge si mekatep erbahanca kita terhambat ibas njagai kulanta (sijadi ingan Kesah si Badia) alu payo?
  2. Kai tekadta ibas kita enggo ngantusi uga carana njagai kulanta bagi sinisuraken Dibata?

AKSI :

  1. Merobah caranta rukur nandangi kebebasan si enggo ibereken
  2. Njagai kulanta gelah ula sakit jasmani alu makanan sehat ras ula ka “sakit rohani” alu tutus

USULEN LAGU :

  1. KEE GBKP NO: 219 :1-2
  2. KEE GBKP NO: 323 :1-2
  3. KEE GBKP NO: 331 :1-2
  4. KEE GBKP NO: 381 :1-3

TOPIK PERTOTON SYAFAAT :

  1. Gelah ngawan perpulungen ertedeh ate njagai kula jadi ingan Kesah si Badia
  2. Gelah ngawan perpulungen jera dingen robah lanai nggit terkena pinakit sosial eme perjudian, mabuk-mabuk, mekisat, bagepe
  3. Siturah ibas

Pdt. Oktoria br Surbakti, S.Th

Komentar

You May Also Like