Bahan Perpulungen Jabu-Jabu 14-20 Agustus 2016

“Kubegi    Pertangis    Bangsangku” ( Keluaren 3:7-17 )

Ibas sada wari, sekalak guru nuruh murid-muridna gelah mbaba sada kantung plastik mbentar ku sekolah. Janah isuruhna tep-tep anak nama piga-piga kentang kubas plastik ndai sue ras buena teman si la termaafkennca. Murid-murid ndai isuruh nulis gelar-gelar kalak si segat kel atena  janah  si langa  termaafkenna. Lit deba menahang kel plastikna tapi lit ka piga-piga mberatkel. Kalak enda isuruh guruna mbaba kantung ndai suari ras berngi. Kujapa pe ia arus ibabana selama sada minggu. Seh maka kondisi kentang ndai enggo berubah. Melala si enggo mulai macik, seh maka bauna pe lanai sikap. Akibatna hampir kerina anak-anak ndai mengeluh ndahiken dahin e. Kenca sada minggu, hampir kerina anak memilih pangen ngambekken kentang ndai asang tetap nusunsa.

Bageme pe adi si susun benci, marah, dendam ibas pusuhta pas bage nusun kentang ndai. Ibahanna kita la bebas, la merdeka. Pada hal ngalemi salah teman, situhuna lebih gampang asangken maba baban mberat (rasa benci, dendam, marah) kujapape kita lawes. Enda sendalanen ras pendapat sekalak tokoh, si ngatakenca:“adi atendu ndatken kemalemen ate arus: pulahindu dirindu ibas pikiren ibas ndarami kesalahen kalak si deban nari, pulahi pikirenndu ibas luka masa lalu, bagepe pulahi pikirendu ibas sura-sura merubah kalak si deban. Adi kita pe la merdeka uga ninta mereken kemerdekaan man kalak si si deban.

Tupung kita menderita paksa genduari erkiteken nilai dolar melonjak radu ras sie nilai rupiah melemah, muat sen pe susah anjlok ka nilaina, muat dahin erserana bahkan si enggo erdahinpe melala bakal i PHK, kalak si punya modal bebas erbahan usaha tapi kita si la lit modal susah majekken usaha. Adi la erduit susah nekolah ken anak, perkara kalak simusil lalit si mbelasa tapi  perkara kalak bayak enterem kuasa hukumna. Pentar ras malang man Dibata sulit jadi pemimpin. La pe  malang  man Dibata, la     pe pentar asal lit duit banci  jadi  pemimpin.  Kalak  si  bujur mpersingeti kalak si erpangkat sikedapaten korupsi banci jadi minter ipenjaraken. Bage me keadaanta ibas negaranta enda.  Banci jadi turah penungkunen ibas dirinta ija kin Dibata e maka pediatNa kita menderita ibas negara si enggo merdeka enda? Tapi kepeken Dibata e tetap nggeluh ibas penderitanta.

Perikopta ibas wari si sendah nuriken bagin pendilo Tuhan man Musa. Pendilo enda sebage respon Tuhan ibas penderitan panjang bangsa Israel i Mesir eme hampir 430 tahun (Keluaren 12:40-41). Kenca ratusen tahun ia menderita i Mesir, bangsa Israel erlebuh man Tuhan (23-24). Dibata pe ngingat perjanjianNa ras Abraham, Ishak, bagepe Jakub. Seh maka dungna ilakokenNa rencana-Na guna menyelamatkan bangsa enda ibas perbudakan Mesir. Ibas bahasa Ibrani kata “ngingat” labo berarti secara pemikiran/kognitif saja tapi pe mencakup kubas tindaken.  Jadi enda berarti, enggo seh waktuNa Dibata bertindak sue ras perjanjian-Na man Abraham, Ishak, ras Jakub.

Seh maka diloNa Musa janah nina:” “Enggo Kuidah kuga serana akap bangsangKu i Mesir. Enggo Kubegi ia nderkuh man bangKu gelah ipulahi i bas mandur-mandur budak nari. Kueteh kerina kiniseranna.” (ayat 7). Dibata si sembah kita eme Dibata si meteh ras cukup erdiate nandangi kerina penderitanta terlebih kalak si tertindas ibas jabu, ibas ingan erdahin, ibas lingkungen ibas negara indonesia enda. Ibegina soranta erlebuh amin enggo ndekah pe  kita ibas kiniseranta, ibegina soranta serko aminna gia tempa ise pe lanai erdiate man banta, ibegina soranta aminna ibas pusuh si mbagesna kalpe, aminna pe kita kaum minoritas, janah la terjeng ibegina saja tapi reh ia ndahi kita (nusur) guna mulahi kita ibas penderitaanta nari. Emaka ula kita ngadi erlebuh,arah pertoton, pengarapen guna ngarapken penampatNa. La gia bagi si minter ijabana labo berarti la diatena. Tapi bagi bangsa Israel ndai ipersiapkenna sekalak pemimpin guna mulahi bangsa enda gelah pulah ibas penderitan ndai.

Banci jadi kecewa kita nandangi pemimpinnta sebab siarapken kita ugakal pepulah me kita ibas kiniseran, ketidak  adilen, korupsi, KKN, dalan si la mejile nari adi terpilih pemimpin si mbaru. Tapi ternyata langa pulah bagi siarapken. Ula kita putus asa sebab Dibata tetap nge erdahin guna mulahi kita ibas paksana.

Kalak si enggo ipulahi/si enggo iselamatken ibas kuasa dosa nari arus ngergai kebebasena mereken kemerdekaan man kalak sideban, ula si tindas kalak si teruhen asa kita, ula si tindas kalak si bergantung man banta tapi asa sibebasken kerina kalak si lit isekitarta, sebab kalak si tertindas erlebuh man Tuhan ibegi Tuhan perndekuhna.

Pertoton kalak si enggo ibebasken eme :”jadiken aku jadi pembebas man kalak sideban”

EVALUASI :

Uga kerna aksi ibas PJJnta si lewat ?

DISKUSI :
  1. Uga cara Tuhan mulahi bangsa Israel si enggo ndekah lit bas kiniseranna i Mesir?
  2. Lit nge temanta si perlukal ibebasken ibas kiniseranna nari ? kai akap banci si

AKSI :

Nehken penampat man teman si paksanakal man sampaten.

USULEN  LAGU :
  1. KEE GBKP NO: 434 :1-2
  2. KEE GBKP NO: 264 :1-2
  3. KEE GBKP NO: 202 :1—
  4. KEE GBKP NO: 56 :1-3

TOPIK DOA SYAFAAT :

  1. Pemerintah gelah pentar ibas ngaturken bangsa
  2. Rakyat nggit mendukung kebijaken pemerintah si mereken kesejahteran man
  3. Gelah ngasup kita memerdekaken kalak si
  4. Siturah ibas

Pdt. Marta Juniati br Ginting, M.Th

Komentar

Mungkin Anda Menyukai