Bahan Perpulungen Jabu-Jabu 28 Agustus-03 September 2016

Kiniulin Tinepa Dibata

(Masmur 104 : 1 – 35)

 

Masmur 104 enda isuratken guna mereken kesaksin kerna mbelin kuasa Dibata. Paksa Pemasmur ngenehen, ngejapken,ras ndalani kegeluhen itengah doni enda, iakuina maka Dibata me sinepa langit, doni ras kerina isina. (Bdk. Masmur 104:2-23). Dibata nepa doni enda alu kepentaren si la terbatas si melampaui akal pikiren manusia. Kerina tinepa idoni enda bergantung seutuhnya nandangi perkuah ate Dibata. Adi lakin ban perkuah ate Dibata, kerinana ibabo doni enda lalit singasup bertahan (Masmur 104:27- 30).

IsemburkenNdu sumbul lau ibas baluren-baluren nari, ibas kelang uruk-uruk nari maleren lau anak (ayat 10). Tuhu lit mbue lau ilawit,ertina bias lau e erbahanca kita gedap, tapi la sitik pe erbahanca kita segar amin gia enggo muas kel, sabab launa masin. Emaka dem alu kuasa Dibata enggo nepa lau man inemen. Adi Dibata enggo mereken kegeluhen tentu ijagana kegeluhen kerina tinepaNa.

Dibata mereken pangan la saja nandangi manusia tapi pe man tinepana sideban. Nandangi rubia-rubia enggo ibahanna si man gagatenna, guna manusia isediaken ka siman panganna. Banci sipergermetken erkawiten ras kai si ibereken Dibata man banta, turahna ukur meteruk. Marilah sipertimbangken, kita perlu bergantung man Dibata guna numpak-numpak kegeluhenta, ula sempit cara rukurta, tapi rukurlah secara meluas kerna kerina tinepa Dibata e erkawiten sada ras sidebanna. Ngasup ngataken bujur man Dibata alu pengangkan maka nggit njaga kelestarian ras kesinambungen kerina tinepa e alu dem tanggugjawab. Bayangken min, di kune la lit lau siman inemen idoni enda? Pas…latih siakap, lanai teratur pertumbuhenta banci jadi kedungenna retap kesah e. Adi bage tugas ta mbelin kel segelahna banci njagai tinepa (lau) gelah banci tetap terjaga kadar kesehatenna.

Ipebias Dibata kerina keperlun nggeluhta, lit si man pangan, lit  siman  inemen,  lit  ka  si man  inganen.  Emaka  si kataken bujur man Dibata sabab pemeliharan si “special” banci tercipta ibas geluhta. Inget kita labo banci nggeluh adi lang lit tinepa Dibata sidebanna.

Dibata penguasa doni ras isina, seri bagi hak kuasa sekalak raja si mereken perentah nandangi juak-juakna guna njagai kebayakenna, maka Dibata pe nuriken otoritasNa nandangi tinepaNa. Dibata peguasa sejati alam semesta. I lebe-lebe Dibata, doni enda ras kerina isina, manusia eme kitik, lemah la ergegeh, amin bage gia manusia ndatken keleng ate si luar  biasa.  Pakekenlah keleng ate Dibata e guna njagai kiniulin tinepa Dibata.

EVALUASI :

Uga kerna aksi PJJ si lewat ?

DISKUSI :
  1. Kai ngge akap ndu si nandangi jadi adi kita la mediate nandangi tinepa Dibata sidebanna ?
  2. Pernah nge turah ketedehen ate bas geluhta selaku pribadi ras geluhta selaku kelompok ibas njagai kiniulin tinepa Dibata ?
AKSI :

Suan sada lah gia ibas rumah tah biji sinuan silit gunana.

USULEN LAGU :
  1. KEE GBKP NO : 433 :1-2
  2. KEE GBKP NO : 192 :1-2
  3. KEE GBKP NO : 315 :1—
  4. KEE GBKP NO : 187 :1,3
TOPIK PERTOTON SYAFAAT :
  1. Gelah ngawan ni perpulungen njagai kiniulin tinepa
  2. Gelah ngawan perpulungen sadar kerna kerina tinepa Dibata e erkawiten.
  3. Gelah ngawan perpulungen tedeh atena guna makeken tinepa Dibata si deban alu

Pdt. Oktoria br Surbakti, S.Th

Komentar

You May Also Like