Bahan Perpulungen Jabu-Jabu 06-12 Nopember 2016

N g g e l u h   S e h a t (Daniel 3: 3-16)

 

“Lit piga-piga kalak Jahudi si iangkatndu njujurken propinsi Babilon, eme Saderah, Mesah ras Abednego, si la ngikutken perentahndu. Kalak e la nembah man dibatandu, la ia nembah mungkuk kempak gana-gana si ipajekkendu”(Daniel 3: 12). Sekalak si pentar asum isungkun “Kai nge si membingungken ibas doni enda?” nina njawabsa “Manusia” engkai? Erkiteken ia ngorbanken kesehatenna guna duit janah mengorbanken duit guna kesehaten. Aru atena kerna masa depanna piahna lanai ternikmatisa masa genduari, erbahansa ia lanai nggeluh ibas masa depan entah pe masa si genduari. Ia nggeluh tempa-tempa la pasti mate dungna ia mate tapi la menikmati kai nggeluh e. Cara nggeluh si sehat tentu ngendesken pangan e ibas toto alu bage tek kita mankenca pangan e jadi kesehaten ibas kulanta. Bagepe njaga pangan si berimbang. Pentar milih pangan apai si perlu ipan, apai si banci ipan tapi mungkin la perlu bengket ku bas dagingta enda. Pangan ras istirahat si cukup tentu jadi gegeh guna kegeluhenta.

Lit 3 remaja dilaki nangko jaung seh juma kalak, sebab melihe ia janah ersura ia kerina guna nutungsa. Emaka kenca itutungna…ipanna. La ndekah ngerana me sekalak remaja e maka mesui beltekna. Sekalak nari pe ngakuken bage. Emaka rukur-rukur ia teluna uga maka mesui beltekna. Nina me sekalak remaja e man temanna: “em perban sitangko jaung enda ndai”, tapi reh ka sekalak ngatakenca: “labo, kurang tasak kin ndai siban”. Sekalak nari ngukur-ngukurisa ibas ukurna, la ia ngerana kai pe. Arah turi- turin enda tangkas teridah maka sekalak remaja e minter nginget kerna pedah sepuluh emekap si pewaluhken: ola nangko. Tapi si sekalak ngukurkenca alu logika saja. Daniel ras teman-temanna itengah-tengah negera Babilon tetap mpertahanken kinitekenna ibas aspek pangan si iperhadapken man bana. Ibenaken alu nulak pangan   istana   sebab   ngelanggar   Hukum   Taurat   (Imamat 11).

Melala tantangen seh bana, api si gurlah, singa si kelihen. Tapi, arah eme ate Daniel ras teman-temanna ersaksi kerna Dibata Israel si nampati kalak si setia dingen tek baNa. Adi isungkun kita: “Apai nge sipilih: Pangan ntabeh entah pangan sehat?” Cenderung pilihen kempak pangan ntabeh. Entah pe lit komentar: Sehat ka janah ntabeh ka. Sebab pangan ntabeh lenga tentu sehat, tapi pangan sehat banci entabeh ibahan cara nasakkenca. Lit deba manusia e nggeluh guna man emaka adi la ntabeh mis kal la ia pet manca. Tapi lit ka man ia guna nggeluh, la pe ntabeh tapi ndukung kesehatenna maka ngasup ia ndahiken dahinna. Turi-turin Daniel ras teman-temanna naksiken maka situhuna labo kerna pangan ije si jadi perhatin utama tapi uga cara Dibata mpekena-kena kalak si tetap setia baNa. Maka ibas Daniel  3: 12 iperhadapken ka teman-teman Daniel alu ukumen istana, sebab ia la nggit mungkuk nembah man gana-gana raja. Tapi alu pemasu-masun Dibata maka iidah dingen isaksiken raja labo kena kai pe teman-teman Daniel e janah adi telu kin ndai si iambekken ku api si gurlah, eda enggo empat iidahna ibas api e. sada bagi rupa anak Dibata (Daniel 3: 25). Arah enda ate Dibata pe gelah ibas negeri kalak si deban pe anak-anak Dibata si erkiniteken mabai kalak si deban (si la erkiniteken) ngasup ngakuken kuasa Dibata e.

Melala kal kuan-kuanen si mendukung kesehaten enda, misalna: mencegah lebih baik daripada mengobati. Sebab teridah rusur adina enggo sakit, asakai pe pang kerina…..Nterem ka si la mediate nandangi pantangen pinakitna. Kai si bas ukurna? Kenca pan sekalei, minter inem ka tambarna. Enda me perbahanen si la ngasup nimbak sura-sura dagingna. Sanga sehat e lit deba la mbatasi pangan (“obesitas”) janah lit ka si batasina kel si man panganna (“gizi buruk”). Guna si e maka selaku kalak si erkiniteken arus tetap mindo kepentaren man Dibata guna nimbak sura-sura daging si erbanca la sehat daging kula bagepe secara kiniteken.

EVALUASI :

Uga  kerna aksi PJJ si lewat !

DISKUSI :

  1. Lit nge akapndu hubungen sehat secara kiniteken ku kesehaten daging kulanta enda?
  2. Kai dage si ban sebagai aksi nyata njagai kiniteken ras kesehaten daging kulanta enda?

AKSI :
  1. Jagai kesehaten kinitekenta alu tetap menjaga komunikasi ras Dibata ibas pertoton (pribadi, jabu), la ketadingen ibas dahin- dahin
  2. Adi lit itengah-tengah perpulungenta entah serayan Tuhan tim medis/ kesehaten bereken bana waktu guna nuriken “pola hidup sehat sehari-hari”.
  3. Adina lit tenaga pengajar senam, bas Runggun pe banci ibahan senam sekali seminggu guna njaga kesehaten
  4. Saksikenlah bas geluhta! Adina sieteh temanta lit pantangen pinakitna, maka kita berperan guna ngingetkenca salu cara si mehuli.
USULEN LAGU :
  1. KEE GBKP NO: 308 :1,3
  2. KEE GBKP NO: 402 :1,2
  3. KEE GBKP NO: 316 :1—
  4. KEE GBKP NO: 327 :1,2
TOPIK PERTOTON SYAFAAT :
  1. Gelah kerina Serayan Tuhan ras ngawan perpulungen sehat- sehat ras mejuah-juah ibas kegeluhen enda. Gelah kerina reh gegehna ndahiken dahin-dahin
  2. Gelah kerina Serayan Tuhan ras ngawan perpulungen ibereken kepentaren guna njagai kesehaten si enggo ibereken
  3. Ipasu-pasu Dibata dahin kerina srayanNa bagepe perpulungen, ngaloken rejeki gelah ngasup ngaturken “pola menu sehat setiap hari”.
  4. Siturah ibas

Pdt. Kristiani br Tarigan, M.Th

Komentar

You May Also Like