Bahan Perpulungen Jabu-Jabu 13-19 Nopember 2016

Raja Penampat Singubahken Geluhta

(Jesaya 9:1-7)

 

Kesusahen, perbeben si mberat, itindas, menam-menam lanai ngasup ndalanisa, bagem kinata kegeluhen Israel iteruh pemerintahen Assur. Israel iandingken bali bagi bangsa si nggeluh ibas kegelapen. Situasi e jadi erkiteken Israel jine ernalem man gegeh manusia, la diatena erkemalangen man Tuhan seh maka ia ndatken ukumen. Kegelapen e pe banci saja jadi ibas kinata kegeluhenta, amin gia sada manusia pe labo nggit ndeher ras kegelapen. Kadang-kadang, ia reh ndempar kegeluhenta bagi temue si labo pernah iundang. Kegeluhenta tuhu-tuhu jadi susah, banci jadi rehna arah pinakit siikataken ganas, kegeluhen jabu si la bagi ukur, pendahin kerina rugi, anak-anak masuk ku bas pergaulen bebas, bencana si la erngadi-ngadi ras sidebanna. Banci sibayangken adi ikataken “nggeluh ibas kegelapen” tentu kai pe la erguna seikatan terang. Terang jadi kebutuhan penting si la mungkin tergantiken alu kai pe. Ibas situasi kesusahen, sada hal si pasti jadi pengarapen eme rehna penampat, pembebas guna ngelepasken kesusahen e. Bageme pengarapen Israel nimai kerehen Raja Penampat (“Mesias”).

Sada hal si cukup menarik ibas pengalamen Israel maka ukumen si reh man bana e kepeken labo dalan ku kebenen, tapi jadi alat Dibata guna ncidahken kekelengenNa emekap nelamatken bangsaNa. Jesaya nuriken kerna kerehen Raja Penampat si ndube iarapken Israel. Ia me Raja Penampat, Dibata si Mada Kuasa, Bapa Si Rasa lalap, Raja Dame. Raja penampat si rehna ibas Dibata nari janah kerehen Raja Penampat enda erbahanca  Israel    nggejabken keriahen bali ras kalak si ermeriah ukur tupung paksa peranin tah pe asum mbagi-bagiken barang rampasen. Israel ermeriah ukur erkiteken babanna si mberat tupung ibas ukumen enggo iambekken, lanai lit ancamen ibas bangsa si deban janah banci ia nggeluh au dame. Kerehen Raja Penampat eme si erbahanca Dibata nggit erdame ras bangsaNa. Keadaan dame antara Dibata ras manusia pe iarapken erbahanca turah dame ibas kinata kegeluhen manusia. Ibas masa genduari, selaku kalak sierkiniteken si nimai kerehen Dibata, marilah kita erperan jadi alat Dibata nehken dame ibas doni enda bagi pertoton Franciscus Asisi nina:

“Ya Tuhan, jadikanlah aku alat damai sejahtera-Mu.

Supaya aku mengasihi, dimana ada kebencian. Memaafkan, dimana ada saling menghina. Mempersatukan, dimana ada pertentangan.

Menimbulkan pengharapan, dimana terdapat ketidakpastian.

Menyatakan terang, di mana kegelapan berkuasa.

Membawa kegembiraan, si mana kesedihan mencekam”.

 EVALUASI :

Uga kerna aksi PJJnta si lewat ?

DISKUSI :

  1. Turikenlah ise si imaksudken “Raja Penampat” ibas teks Jesaya 9:1-7!
  2. Diskusikenlah kai nge dampakna kerehen “Raja Penampat” man Israel bagepe ibas kinata

AKSI :

Si pesikap/ dekorasi jabunta ngalo-ngalo Minggu Advent ras Natal.

USULEN LAGU :

  1. KEE GBKP NO: 313 :1-2
  2. KEE GBKP NO: 494 :1-2
  3. KEE GBKP NO: 95:1—
  4. KEE GBKP NO: 200 :1-2

TOPIK PERTOTON SYAFAAT :

  1. Ngawan ni     perpulungen     nggejabken     kerehen     “Raja Penampat” ibas kegeluhenna si ngubahken
  2. Ngawan ni perpulungen ngasup berperan jadi alat Dibata nehken dame ibas
  3. Siturah ibas

Pdt. Jesiska br Barus, S.Th

Komentar

You May Also Like