Bahan Perpulungen Jabu-Jabu 30-05 Nopember 2016

“Ergaken Anak  Jabundu” (II Samuel 13:1-22; Masmur 127:3)

Kegeluhen “modernisasi” genduari maba kemajun ibas masyarakatta terutama ibas bidang informasi, komunikasi bagepe transportasi. Tapi sendalanen ras kemajun teknologi e reh buena masalah sinihadapi. Salah sada masalah e eme kekerasan dalam rumah tangga (KDRT). Menurut data Tahun 2008 lit 54.525 kasus kekerasen si terjadi ibas negaranta enda. Tahun 2009 terjadi peningkaten eme 143.598 janah Tahun 2011 lit 113.878. Peningkaten Tahun 2008 ku 2009 erdandanken korban kekerasen enggo pang ngaduken kasusna man pihak si berwajib (UU Penghapusan KDRT No. 23/2004).

Menurut Thomas Hoblees (1558-1679) ”Manusia dipandang sebagai mahluk yang dikuasai oleh dorongan-dorongan irrasionil dan anarkhis serta mekanistis yang saling iri, benci sehingga menjadi kasar, jahat, buas dan pendek untuk berpikir.” Sedangken Michael Crosby nina kekerasen eme tep-tep perbahanen si mengakibatken luka. Emaka banci isimpulken maka kekerasen eme sada perbahanen si mengakibatken penderitaan subuk secara fisik, seksual ras emosional. Kai-kai saja kin bentuk Kekerasan dalam rumah tangga:

  • Secara fisik: Menampar, memukul menjambak rambut, menendang, menyundut dengan rokok, melukai dengan senjata, membakar, memasung dan lain-lain.
  • Secara seksual: Pelecehan, pemaksaan dan penuntutan hubungan seksual dan lain-lain.
  • Secara emosional (psikologis): Penghinaan, komentar yang merendahkan, mengancam, menceraikan dan lain-lain.

Ise kin si menderita ibas litna kekerasen ibas jabu? Jababna eme kerina anggota jabu e, subuk bapa, nande ras anak- anak. Tapi efek si paling mberat eme nandangi anak-anak. Menurut penelitian   maka   pengguna   Narkoba   umumna   eme   kalak     singenanami permasalahen bas jabu ntah pe kurangna perhatin ibas keluarga nari. Padahal si eteh maka anak-anak eme hadiah si mehergana kal ibereken Dibata man banta. Tuhan kap si mereken anak-anak e, pasu-pasu ibas Tuhan nari kap ia (Masmur 127:3). Janah perjabun eme sada karya Dibata si la banci isirangken manusia (Matius 19:6).

Tamar ibas ogenta eme salah sada korban kekerasen seksual turangna Amnon lain nande. Kenca enggo iperkosana segat atena Tamar janah ipelawesna ibas kamarna nari. Absalom turang Tamar erelem-elem man seninana Amnon ras kedungenna munuh Amnon. Situhuna teks enda sada penggenapen ukumen Dibata nandangi Daud erkiteken perbahanenna nandangi Uria, perbulangen Batsyeba si ibuatna jadi ndeharana. Daud ngerencanaken kematen Uria ibas sada peperangen. Isuruhna Uria jadi pasukan si arah lebe gelah mate italuken musuh.

Terang maka Dibata la erngena ate nandangi kekerasen, bage ka me kita arus nirangi erbage-bage bentuk kekerasen. E banci silakoken adi kita tetap ersada ras Dibata ulu kekelengen. Bagepe jabunta arus ipajekken i babo batu si paguh gelah reh pe banjir ras angin meter nderpasa rumah e labo runtuh (Matius  7:24). Pondasi jabu eme mereken pengajaren Kristus man anak jabunta mulai kitik nari.

EVALUASI :

Uga evaluasi kerna aksinta Minggu silewat ?

DISKUSI :

  1. Ise nge si jadi korban ibas ogenta II Samuel 13:1-22 ndai ras uga nge siakap perasaan korban?
  2. Pernah nge kam jadi korban kekerasen, uga perasaanndu?

AKSI :

Erlajar ula cakap curang totoken sada Minggu enda ras lakokenlah !

USULEN LAGU :

  1. KEE GBKP NO : 197 : 1-2
  2. KEE GBKP NO : 282 : 1-2
  3. KEE GBKP NO : 460 : 1—
  4. KEE GBKP NO : 309 :1-2
TOPIK PERTOTON SYAFAAT :
  1. Gelah ngasup nehken kekelengen ibas geluh ras nirangi kerina bentuk
  2. Korban kekerasen ibas jabu gelah ipegegehi Tuhan ras Undang- Undang Kekerasan Dalam Rumah Tangga (UU KDRT) gelah itegakken.
  3. Si turah ibas

Pdt. Mart Erkelina br Tarigan, S.Th

Komentar

Mungkin Anda Menyukai