Jadi Babah PPWG GBKP, Beritakenlah

Pusat Pembinaan Warga Gereja (PPWG) GBKP eme salah sada unit pelayanan GBKP i bas   Bidang Pembinaan GBKP ras i bas Bidang Usaha Dana GBKP. I bas bidang pembinaan, PPWG GBKP ngelitken bahan-bahan pembinaan guna perpulungen ras serayan (Pertua,Diaken):Buku Bimbingen Kotbah GBKP,Buku Renungen Perpulungen Jabu-jabu(PJJ),Buku Bimbingen ras Liturgi Pekan Penatalayanan GBKP,Buku Bimbingen ras Liturgi Pekan Doa GBKP,Buku Bimbingen ras Liturgi Pekan Keluarga GBKP,Buku Bimbingen Kotbah Minggu GBKP si bekerjasama ras gereja-gereja Sekber UEM,Buku Kursus man Pertua Diaken (Buku Setialah),Modul-modul Pembinaan, rsd.I bas ngelitken bahan-bahan pembinaan ibenaken alu erbahan draf awal ras pendelegasian ku penulis.Penulis-penulis eme Pendeta-Pendeta GBKP,ibereken bahan tulisen alu ngenen tulisen Skripsina,Tesisna ntah pe bidang pelayanen siidahikenna. Pengkoreksian ilakoken Kabid Pembinaan GBKP,Direktur PPWG GBKP,Aron Penulis PPWG,Biro Teologia GBKP.Kenca dung, iendesken PPWG GBKP ku Toko Buku Abdi Karya guna icetak.Kerna erga buku ras pendistribusian buku banci seh ku perpulungen iaturken  Moderamen GBKP (Kabid Usaha Dana).Buku-buku pembinaan ilitken lako mpegegehi kiniteken,persadan,kesaksin ras pelayanen ngawan perpulungen ras serayan.Erkiteken si e PPWG GBKP terbuka ngaloken masuken-masuken sibiakna mpekena dingen pehuliken kerna bahan pembinaan, banci si sehken arah komunikasi Telephone,SMS,WA,Email, rsd.

BUKU BIMBINGEN KOTBAH, PJJ, LITURGI RAS BIMBINGEN PEKAN-PEKAN

I bas Bidang Usaha Dana,PPWG GBKP ngelai dingen berkontribusi mpegegehi perbeliten GBKP arah ulih pendayan buku-buku pembinaan bage pe newaken  fasilitas-fasilitas si lit, eme:

  • Newakan gedung pertemuan ( AULA, Ruang Pendidikan I-V),
  • Newaken kamar penginapen (Bangsal ras Kamar-kamar VIP)
  • Ngelitken erbage-bage Paket Pesanen Makanan (PAHE = PAKET HEMAT,PASA = PAKET SPESIAL,PAMA=PAKET MAKNYUS,PATRA=PAKET TRADISIONAL,PALIT= PAKET ELIT)
  • Catering ( Pesanan Minimal 25 Porsi)
  • Snack pilihen

Sumber Daya Manusia (SDM) PPWG GBKP singelai  eme:  Kabid Pembinaan GBKP,Kabid Bidang Usaha Dana GBKP,3 Kalak Pengurus,7 kalak pegawai tetap itambah pegawai  harian adi iperluken rikutken kebutuhen dahin,11 kalak Aron Penulis/Team Koreksi ras Biro Teologi GBKP. Kerina ndahiken dahin alu ermeriah ukur asa gegeh ras kengasupen. Motto PPWG GBKP eme MELAYANI DENGAN SEPENUH HATI.

PPWG GBKP sebagai salah sada unit pelayanen  GBKP ngelai jadi pasu-pasu man nterem jelma. Bahan-bahan pembinaan si ilitken erguna man perpulungen bage pe serayan (Pdt, pertua, Diaken) lako mpegegehi kiniteken, nambahi pemeteh,kepentaren,njemba perpulungen tetap setia man Tuhan,nggit muat bagin  dahiken dahin tritugas gereja (Persadan, Kesaksin, Pelayanen). Ulih pendayan buku-buku pembinaan ras  penyewaan fasisilitas si lit banci nampati dingen  mpegegehi perbeliten gerejanta GBKP.

Paksa enda, PPWG GBKP nggo ngelai nterem tamu-tamu, subuk i bas gereja GBKP bage pe idarat GBKP, bagi gereja HBKP,GKPS,HKI,GPDI,BETANI,BETEL,tamu UEM,gereja Somang(Korea),RS.Asan Korea,Biksu(Budha),rsd.Ngelai tamu pemerintahen ras masyarakat umum.PPWG GBKP ngelai pesanan si reh pribadi-pribadi,keluarga-keluarga,group ntah rombongen.  

Lokasi PPWG GBKP itengah kota Kabanjahe banci jadi peluang simbelin ku lebe wari enda guna ngelai tamu-tamu simembutuhken penginapen, gedung pertemuan, pesanan makanan si reh i bas ingan sindauh nari, dikune lit dahin ntah pesta keluarga i sekitar  Kabanjahe.Reh i Jakarta nari,Medan,TebingTinggi,P.Siantar,Tarutung,Sibolga,Nias,Tiga Binanga,Lau baleng,rsd.PPWG GBKP memungkinken pe ku lebe wari enda ngukurken dingen ngaturken penambahen fasilitas penginapen ras gedung pertemuan.Sabab nggo megati lit pesanan i bas jumlah besar la teraloken / la terlayani denga erkiteken persediaan sarana si terbatas denga.

Gelah PPWG GBKP banci tetap jadi pasu-pasu man nterem jelma,ngarap kami ngawan perpulungen ras serayan GBKP banci min jadi babah PPWG GBKP erberita,kerna si lit i bas PPWG guna ngelai enterem jelma. PPWG GBKP nggo ngelakokenca alu mpresentasikenca i bas kegiaten-kegiaten si lit i PPWG kune lit peserta 100 kalak ku das alu mindo waktu 5-10 menit ku panitia pelaksana. Alu pengarapen peserta si lit ibas kegiaten e banci jadi babah PPWG GBKP erberita ku sekelewetna (Promosi dengan system MLM=Mulut lewat Mulut).Brosur PPWG i litken janah i bagiken arah Media social What Apps (WA) ku pemesan PPWG. Perpulungen ras serayan GBKP marilah jadi babah PPWG GBKP,beritakenlah  si lit i PPWG. Terpuji gelar Tuhannta Jesus Kristus. Amin.

                                                                                    Pdt. Karvintaria br Ginting, S.Th. M,M.

                                                                               (Direktur PPWG GBKP)

Komentar

Mungkin Anda Menyukai