Natal PJJ Bukit Zaitun :"Rutang Sikeleng-Kelengen"
Pt. Abil Tarigan | 17-12-2022
Perayan Natal PJJ Bukit Zaitun Majelis Runggun Sukamakmur klasis Sibolangit ilakoken ibas Wari Minggu 11 Desember 2022 i Gedung Sion Retreat Center Sukamakmur. Khotbah Natal isehken Pandita Runggun Pdt.Surya Sembiring S.Th,ibuat ibas 1 Johanis 4: 7-12 alu Tema :" JABU SIERTANGGUNG JABAB JADI PERKAKAS DIBATA." ras Sub Tema:"KETUBUHEN YESUS MPENGASUP KERINA ISI JABU ERTANGGUNGJABAB JADI PERKAKAS DIBATA IBAS NEHKEN KELENG ATE MAN ISI DONI ENDA."
Arah Khotbahna isehken Kemahen Tuhan enda Wari Natal e me Wari Keselamaten.Segelah sipahami Karakter Dibata ibas Keleng AteNa man banta.Lit je 3 simerupaken implementasi wujud Kekelengen Dibata man manusia arah AnakNa Yesus Kristus e me kap:Hakekat,Bukti ras Inisiatif arah Dibata e nari.Emakana kita rutang sikeleng-kelengen.Ibas Acara Kebaktin enda ipenangkih ka pe Puji Pujin Koor arah PJJ bagepe Moria.Salah sada Koor simpeteguhi komitmen sue ras isi Khotbah alu judul Koor:"Suindu Suingku."
Kenca dung Khotbah Natal,Perpulungen Makan Malam Bersama,jenari iterusi ku nehken Bingkisen Natal man turang ras seninaJabu silakuh,Pengurus PJJ bagepe Pt/Dk rikut ras simewakili BPMR,Pandita bagepe man anak anak KA/KR.Jenari ku Kata Kata Sambuten.Mari siimplementasiken isi Khotbah enda ibas kegeluhenta segelah lit je buktina.Selamat Natal
(Pt.Abil Tarigan)