Penangkuhen 11 Pendeta GBKP i Runggun Pekanbaru Klasis Riau Sumbar
Pdt. Imanuel Ginting, S.Th | 08-02-2023PDT. KRISTIANTA D. GINTING : I BAS KAI PE DIBATA ERDAHIN GUNA KINIULIN.
Pekanbaru, 5 Pebruari 2023 I bas Minggu Septuagesima ilakoken penangkuhen 11 kalak Pendeta GBKP. Penangkuhen ilakoken i Pekanbaru, Kota bertuah-tanah lancang kuning, kota heterogen ras bertoleransi. Penangkuhen enda jadi keriahen man kerina Pendeta siitangkuhken enca ndalani masa vikaris kidekah 2 tahun. Gelar Pendeta siitangkuhken eme :
Kotbah ibabai Sekum GBKP Pdt. Yunus Bangun, MTh ngingetken kerna Tuhan Jesus simbenai pendahin-Na alu 3 pencubaan (Mt. 4:1-11). Tuhan Jesus tetap erperang segedang geluh-Na ngalaken setan, ras kejahaten e pasti italuken kuasa terang. (Kej. 3:15) Peperangen ngamburken dareh e ngenca ngasup naluken Iblis, janah e lit bas Tuhan Jesus. Tuhan Jesus icubai dingen jadi pemenang, "Enggo igenepi!" enda ilakoken i das kayu persilang, seh keke bas simate nari. Puasa Jesus 40 wari, 40 berngi, ieteh Iblis kerina langkah-Na. Gelar Tuhan Jesus selaku Anak Dibata mis icubai Iblis, bagepe siitangkuhken pasti ndatken percubaan. Nalihken batu jadi roti, e cubaan soal kebutuhen dasar, perut tidak terisi, insting kebinatangan akan keluar. Bas krisis ras panik luar biasa, sipemena ilakoken eme kalak mborong kebutuhan dasar, mbiar la man. Cubaan enda italuken Tuhan Jesus alu palas kata Dibata. Manusia labo nggeluh arah roti saja, tapi arah Kata Dibata. Pendeta simbaru itanguhken ula aru ate kerna pangan.
Pencubaan sipeduaken i bubungen Rumah Pertoton, Iblis pe make ayat Pustaka, adi rajinen ia ngogesa pasti banci kita iketna. Ietehna titik lemahta, idarami guna ndabuhken kita.Tuhan Jesus pe ngalakenca alu nehken isi Pustaka si Badia (Ul 6:16) Ola cubai Tuhan Dibata-ndu, enda menyangkut rasa aman (psikologis), keuangan, kesehatan, masa depan. Hanya dekat Allah saja aku tenang, daripadanyalah keselamatanku.
Percubaan pe-3-ken, enda klimaks, menyangkut salib. Tuhan Jesus sadar kerna penderitaan salib, tapi Iblis menawarkan misi tanpa salib, cukup nembah Iblis. Salib, kutuk kerina manusia enggo ipersan Tuhan Jesus. Tuhan Jesus nalukenca alu mpelawes Iblis. Bahasa M. Ghandi,"Kaya tanpa kerja!". Tuhan Dibata sajalah man sembahen, segelah kerina mehuli rehna. Dibata la banci inomorken duaken. Pendeta ula salah prioritas, kekeringan spiritualitas! Bengketlah bas pusuh nari, siikuasai Kesah si Badia. Umat bertumbuh alu pelayan Tuhan sisetia. Melayani dengan anugerah Tuhan, penuh sukacita. Dibata ngaturkenca ras memeliharasa. Tetap bas pusuh ngataken la aku metunggung, ngelai aku kemeteruken ukur, mengandalkan Tuhan. Ula aru ate, Tuhan Jesus enggo menang. Kam persembahan keluarga simbelinna man Tuhan, emaka tutuslah, taluken perbeben rbas persadan ras Kata Dibata, ras Tuhan Jesus.
Khotbah sulung simewakili kerina Pendeta siitangkuhken ibabai Pdt. Kristianta D. Ginting, alu palas Roma 8 : 28, dingen tema : I bas Kai Pe Dibata Erdahin Guna Kiniulin. I bas khotbahna Pendeta enda nehken Mbue kejadin ntah pe peristiwa si banci jadi ibas kegeluhenta enda, subuk kejadin si bagi ukurta bage pe si la bagi ukurta, si bagi sura-suranta ntah pe si la kal bagi sura-suranta. Janah megati pe si e sikataken untung ntah pe liah. Hal enda berlaku ku kerina jelma si lit i doni enda siapai pe la erkendobahen, subuk kalak si erkiniteken ras si la erkiniteken, subuk si tutus ngikutken Dibata bage pe si la tutus ngikutken Dibata. Aminna pe peristiwa e banci seri ku kerina jelma, lit kepe perbedaanna. Perbedaanna e me kuga cara sekalak jelma e ngidah ntah pe memandang dingen ngerespon peristiwa si jadi e. Kalak si la erkiniteken ntah pe si la tutus ngikutken Dibata beda carana memandang kai si jadi i bas ia. Banci jadi isalahkenna keluargana, temanna, kalak si lit i sekelewetna, terdauhen banci ka isalahkenna Dibata. Kalak si tutus ngikutken Dibata tentu berbeda cara pandangna i bas merespon kai pe si jadi i bas kegeluhenna, janah e me perenungenta i bas paksa enda.
Surat Rasul Paulus nandangi perpulungen Roma, khususna pasal 8 : 18 – 30 ilatarbelakangi arah 2 hal, e me : Sipemena, erkiteken lit sura-sura kalak Jahudi guna meneken ntah pe memusnahken agama Kristen (pengikut Kristus), erkiteken ianggap agama liar si banci mengacaukan agama Jahudi. Sipeduaken, si erkuasa paksa si e eme pemeritahen Romawi si nembah dewa-dewa, janah adi lit kalak si la nembah man dewa ianggap sebage pemberontak man pemerintah. Arah dua gambaren latarbelakang enda mereken gambaren man banta kuga sulitna ras beratna tekanen si ialami pengikut Kristus paksa si e. Adi si oge arah awal perikop enda, Rasul Paulus atena ningetken man perpulungen Roma bahwa tetap nge lit pengarapen man anak-anak Dibata.
Secara khusus ayat 28, si jadi bahan perenungenta enda, ate Paulus mpegegehi perpulungen bahwa Dibata erdahin guna kiniulin man kalak si erkeleng ate man Ba-Na. Kata “Dibata erdahin” ertina Dibata memelihara kerinana seh maka kerina erdalan sue ras sura-sura-Na. I bas kata si deban, kerina si asalna i bas Dibata nari, tujunna guna kemulian gelarNa. Alu bage kalak si erkeleng ate man Dibata, ngenin ras ndalani kerina si jadi i bas geluhna alu berpikir positif, aminna pe si jadi e la kal bagi ukur ras sura-sura.
Selaku kalak si erkiniteken man Dibata, tek kita maka kai pe si jadi i bas kegeluhenta, subuk si bagi ukur ras la bagi ukur, e me cara Dibata guna ncidahken keleng ateNa man banta. Terlebih sebage pelayan Tuhan, tuhu melala cara Dibata memperlengkapi kita guna ndahiken dahinNa. Tuhu melala tantangen ras persoalen i bas inganta itempatken guna ngelai, tapi tek kita maka ipengasup Dibata kita guna ngelai IA i je. Salah sada contoh sikualami i Rg. Ujungbatu – Klasis Riau-Sumbar, jarak pelayanen ndauh-ndauh ras kondisi dalan si kurang mejile (udan kenca wari erkubang-kubang, las kenca wari erabu-abu), adi ukur-ukuri la kal bagi ukur kondisi si lit e, tapi kepeken la kal aku enggo pernah guling ntah pe celaka i bas dalan guna ngelai, tek aku e erkiteken keleng ate Dibata. Tambah si e, si mbelinna kal, la kal enggo pernah aku sakit mekelek i bas ndalani masa Vikaris aminna pe jarak tempuh pelayanen ndauh-ndauh. E me cara Dibata guna ngajari aku terlatih i bas medan pelayanen si sulit. Tek kita maka kerina kejadin si bagi ukur ras si la bagi ukurta si jadi ibas kegeluhenta e mpegegehi kinitekenta man Dibata.
Kata sambuten Moderamen GBKP siibabai Pdt. Christoper Sinulingga nehken maka paksa gundari ibenaken penangkuhen sipemena i darat Provinsi Sumatera Utara, alu kiniteken man Dibata pasti masu-masu kerina dahin i tengah-tengah GBKP. Pekanbaru runggun sipemena/simetuana i Klasis Riau Sumbar. Erti penangkuhen pengendesen dahin, permakan, guru, pemimpin i bas pelayanen Tuhan Jesus. GBKP alu jemaat 323.602 kalak, runggun 634, perpulungen 905, Pandita 516 (2023) pensiun 63 kalak, pendeta aktif 527 kalak. Pesan Moderamen GBKP itangkuhken jadi Pendeta GBKP alu penempaten i bas ingan tertentu, berbicara, bertindak sebagai representasi GBKP, ula sektoral runggun. Tetaplah jadi pendeta bas segedang geluh, ngkelengi perpulungen, alu sihamat-hamaten selaku sesama pendeta.
Pelaksanaan penangkuhen enda ihadiri BPMK ras pe perwakilen kategorial ras Pendeta tugas khusus. Ikut pe menghadiri tamu undangen bas pihak BKAG bagepe perwakilan pemerintahan Provinsi Riau. Arah perwakilan pemerintah ngingetken segelah iupayaken ngelitken IMB GBKP Pekanbaru. Man kerina Pendeta siitangkuhken pe ipersingeti tantangan segelah, "Tunaikanlah tugas pelayanenmu!" (II Tim. 4:5). Pendeta simbaru itangkuhken pe mis ndatken SK penempatenna simbaru i bas wilayah pelayanan GBKP. Selamat itangkuhken, mpeteguhi kiniersadan perpulungen, kiniulin pelayanan dingen mpebelang kesaksin guna kemulian Tuhan Yesus.
(Pdt. Imanuel Kemenangan Ginting, STh)