Nini Bulang Ras Nini Tudung Tetap Semangat Erlajar Ngikuti Seminar Saitun GBKP
Pdt. Imanuel Ginting, S.Th | 14-04-2023
RC Sukamakmur, 13 April 2023
Semangat erlajar from womb to tomb (terus erlajar mula tubuh nari, seh kutampuk nggelu) tuhu-tuhu icidahken SAITUN GBKP bas kerehenna sidem alu semangat dingen keriahen ku seminar SAITUN siilakoken BPP SAITUN. Kerehen nini bulang ras nini tudung tuhu-tuhu luar biasa. Perkiraan Panitia sekitar 400-an kalak, simendaftar lit 700 kalak, tapi kepeken semangat siergiah-giah rikut pengiahken kerina pengurus Klasis rikut Runggun, seh paksana wari Rabu, sireh lebih 800 kalak. Pengurus SAITUN GBKP tuhu-tuhu ermeriah ukur ngalo-ngalo kerina kerehen nini tudung ras nini bulang enda kerina. Bas acara rende-rende kerina ersurak meriah ngikutken lagu rohani siibabi pemandu acara. Peserta sireh enda bas Klasis : Sibolangit, Kabanjahe, Medan Kampung Lalang, Tigabinanga, Binjai Langkat, Lubuk Pakam, Dairi, Medan Deli Tua, Pematang Siantar, Pembangunan Medan Delitua, Kabanjahe TIga panah, Berastagi, Medan Kutajurung, Pancurbatu, Kuala Langkat, Medan Namo Rambe, Barus Sibayak, Kabanjahe Sukarame, Munthe.
Acara ibenai alu kebaktin siibabai Pdt. (P) Kasir Purba. Renungen ipalasken bas ku I Ptr. 2:9-10 ras Ef. 4:11-13. Covid mengkhawatirkan, tapi kita tetap min mengandalkan Tuhan. Dampak tetap lit, kidekah enda ibatasai, erkiteken teknologi juma nari gundari enggo banci kebaktian entah PJJ. Amin bage siterjadi, tapi perlu kal tetap siinget isi pengakuan kiniteken maka kalak Kristen memerlukan kiniersadaan kalak sibadia. Wari enda SAITUN idilo tetap erperan i tengah GBKP, ikut aku Sada. Ikut kuja? Kai peranta? Ula kuembang kalak kita pe ikut. Entah ngidah kalak kiam siikutken, piah tangkap polisi, sebab sikiam ndai pinangko. Ikut aku Sada, jelas kuja ras kai silakoken. Kita bangsa pilihan, anak Dibata. Itarik bas gelap nari. Bas gelap la ieteh kai man bahanen. Bas terang silanai langlang ulina guna er-Berita si Meriah. Arah talentata ipake guna kemuliaan Tuhan. Adi seragam kiniliten SAITUN tentu la ermakna. Selaku ring ring kula ni Kristus saling melengkapi.
SAITUN enggo mbentasi kerina fase, enggo sikap pe ngelewati fase SAITUN. Ula jadi lansia simekatep iartiken : lanai ndekah jadi manusia. Siibaba perik ku Nuah eme bulung zaitun kokoh paguh melewati kerina keadaan. Bas sie lit piga-piga tipe ikut aku sada, eme tipe ikut man simehangkena, tapi amin bage gia lit si tetap mekeng, Dibata nari ngenca ndilosa ia ngikut. Aspek sosial selaku teman meriah. Motif dat pujin. Erkiteken beban pengurus. Tapi siutamana SAITUN ikut bas meritaken perbahanen Dibata simbelin.
Nerusi kebaktian isehken ceramah sipemena ibabai Kabid. Persekutuan Pdt. Jennie E. Keliat alu tema Peran aktif SAITUN bas Gereja ras Masayarakat. Bas pemaparenna Pendeta enda nehken SAITUN sebagai kategorial tidak hanya menuntut guna ilayani, tapi sadar guna terus melayani. Emaka tupung lit paksa ercakap bas Runggun entah pjj ula sinik-sinik saja ncakapken kemajuan perpulungen. Ula jadi penonton saja, tapi pelaku. Saja adi labo beluh rende ula paksaken jadi song leader, tapi tandai rikut tuduhkenlah talentata situhuna.
Terdauhen Pendeta enda nungkun katawari dungna dahin saitun? Eme seh iket kambal-kambal, asa iendei sienterem. Tentu bas sie tetap kita banci erkarya. Uga kita aktif bas pelayanan? SAITUN tetap ambil bagian. Ise kin Saitun? P2P ngataken SAITUNeme anggota sidi GBKP berumur 60 tahun kudas, dan anggota SAITUN luar biasa. Palasna tritugas GBKP, Trinitatis ras Pustaka si Badia. Gereja selaku persadaan kalak sitek mengeksperiskan iman di tengah jemaat dan masyarakat. Iman dinyatakan diwujudkan. Narasumber enda pe nuriken rikut menjelasken kerna sejarah Saitun. Sidang Sinode 2015 Lansia disahkan menjadi salah lembaga kategorial. SKMS 2016 Waktu kepungurusan Lansia 5 (lima) tahun mengikuti periodesasi kepengurusan GBKP. HUT Lansia tgl. 15 Agustus (1991) selaku hari pelayanan pertama terhadap Lansia GBKP. Keputusan SKMS 2017 menetapkan keanggotaan Lansia adalah Mamre dan Moria yang telah berumur 60 tahun ke atas. Anggota Lansia bisa tetap mengikuti PA di Mamre dan Moria dan berpartisipasi dalam mendukung pendanaan Mamre dan Moria. Usulan nama Lansia diserahkan kepada BPP Lansia dan Moderamen GBKP untuk memikirkan nama baru. Sesudah didapat maka disosialisasikan kepada jemaat. Keputusan SKMS 2018 yang mengeluarkan SK pengurus SAITUNadalah BPMR, BPMK dan Moderamen GBKP sesuai dengan wilayah pelayanannya. Keputusan SKMS 2019 hari jadi SAITUN ditetapkan tgl. 15 April 2015.
Ceramah sesi II ibabai DR. Karina Meriem Br. Brahmana alu topik Menjadi SAITUNyang sehat, aktif, mandiri, produktif serta berkualitas. Penekanen siisehken narasumber enda eme TIdak mengapa menjadi tua, asal tetap muda dalam semangat. Melala stigma dingen pemahamen maka jadi metua mekatep iertiken alu melala perubahen si mengarah kupenurunen (kesehaten, ingeten, jam pertnduh ras sidebanna. Tapi bas kenyataanna hal enda labo sepenuhna tuhu, sebab melala denga kal potensi SAITUN sierbahanca ia tetap ISTIMEWA. Potensi enda me siperlu ikembangken segelah amin umur reh tuana tapi SAITUN tetap sehat, aktif, mandiri, produktif rikut berkualitas baik. I bas sienda SAITUN ibere Dibata pengalamen, kebijaksanaan, karisma ras Analisa ras sidebanna. Enda kerina jadi modal simeherga bas SAITUN terlibat aktif bas pelayanen gerejawi entah pe ku masyarakat sirulo.
Terdauhen SAITUN niarapken ngasup menyesuaiken diri kerna kondisi fisik, erkurangna teman, membangun relasi kelompok mbaru, kewajiban sosial kemasyarakaten ras status sosial ekonomi. Hal-hal enda tentu labo mesunah, rikut banci nambahi ceda dingen aru ate, sibanci mpengaruhi kondisi psikologi : cemas, depresi, mbiar ras sidebanna. Guna ngatasi gangguan psikologis enda lit piga-piga sibanci ilakoken, eme : nambahi teman, erolah raga (minimal 3x seminggu), konsumsi pangan sisehat, pedauh gaya hidup negative (minem alcohol rikut pe ngisap), istirihat cukup minimal 6 jam sada wari (segelah kula ula lemah, kurang konsentrasi piah mesunah kecelakaan),menjalankan hobby, tetap ngata bujur man Tuhan (Hab. 3:17-18), pikiren positif dingen mpedeher bana ras Dibata-si Mada Kegeluhen. Enda kerina mbabai kebahagian rikut pe erbahanca SAITUN tetap meherga.
Rangkaian Seminar SAITUN enda itutup alu kebaktin siielai Pdt. Jean Palengkahu, dingen kerina nini bulang rikut nini tudung mulih bas keriahen, sehat mejuah-juah seh ku kuta jumpa anak kempu kerina. Tuhan Jesus memberkati.
SELAMAT HARI ULANG TAHUN SAITUN GBKP-15 APRIL 2023-TUHAN JESUS MEMBERKATI
(Pdt. Imanuel Kemenangan Ginting, STh. Biro Humas dan IT Moderamen GBKP)