Kita Butuh Mental Synodal Simemiliki Keperdulian Ras Kebersamaan
Pdt. Imanuel Ginting, S.Th | 19-05-2023
Kabanjahe, 16 Mei 2023 Rapat Kordinasi Unit/Biro Pelayanan Moderamen GBKP ibenai alu kebaktian siielai Pdt. DR. Kalvinsius Jawak (Kabid. Kesaksian Moderamen GBKP), alu palas isi Pustaka si Badia Lukas 10:16-20. Bas kotbahna Pendeta enda nehken renungen ayat 16. kai ertina man 70 kalak ajar-ajar, siisuruh Tuhan Jesus dua kalak sendalanen. Baginna terjeng sierdahin/persuruhen, labo sierkuasa.Bas er-Berita si Meriah lit simegiken, lit sinulaksa. Inget! simegiken kam ibegikenna Jesus. Ajar-ajar isuruh ndahinken dahin, ula meganjang ukur, bagepe sinulak ula ate nembeh, sebab itulakna Dibata. Kita aron Dibata bas lingkup GBKP. Bas pelayanen, contohna perkunjungen rumah tangga. Siidahi mekatep mesera man jumpan, erbahanca naik tensi ras emosional sierdahin. Sikap emosional banci isilahken adi lit kesadaren, maka bas penulaken e, siitulak labo pelayan, tapi siitulakna eme Dibata. Enda harus selesai bas perukuren sierdahin. Kita nuan, niram, mpeturahsa Dibata, pendahin Kesah si Badia. Ula min lit singeruahi! Emaka ula sempat meganjang ukur adi lit melala keberhasilen. Kerjakanlah sebatas baginta.
Ayat 17. Bas jaman Tuhan Yesus pe lit rapat kordinasi, enca isuruh lawes ajar-ajar e, mulih ia guna monitoring ras evaluasi. Apakah kita enggo ermeriah ukur bas kerina baginta? Kerina ajar-ajar mulih dem keriahen, sebab lit keberhasilen mpelawes kuasa setan-setan, janah e me jadi laporenna. Ayat 18. Keriahen ajar-ajar sebatas ukuran duniawi, emaka ipepinter Tuhan Jesus kerna sie. Ayat 19/20. Ajar-ajar erpengakap kai siterjadi e ulih kuasa kebeluhenna. Kuasa e rehna bas Tuhan Jesus nari. Siitekanken eme kerna gelar i surga. Ukuren doni enda kai pe labo gel-gel, apakah setan iblis megiken entah lang, gelar sitersurat i kerajaan surga, eme kemenangan bas Tuhan jadi keriahen siutama.
Kata Sambutan Ketua Umum Pdt. Krismas I. Barus, MTh LM. Rapat kordinasi secara berkala dalam rangka monitoring evaluasi ras perencanaan tahun enda. Bas kordinasi erbahanca program erdalin alu mehuli. Monitoring evaluasi ngelaporken pendahinta selaku per-Berita si Meriah, enda kurang lebih seri ras penulisen Alkitab selaku laporan harian para rasul, nabi, kalak sitek. Ula rugi potensita erkiteken la lit laporenta. E kerina banci jadi catatan refleksi teologis man penerusta bas wari sireh kerna kai siban kita bas pendahin GBKP. Apakah kita bersinergi alu mehuli entah simbaba randana.
Ukuren siikembangken tatanan kegeluhen ekonomi politik global, i ja kita harus metenget segelah ula erbanca kita depresi melihat diri sendiri, ras ngenen jelma sideban lanai kita puas, merhat kita kai sila kita perlu, dingen siayaki kai sila teriyaki kita. Turah kekhawatiran, perpisahan i tengah lingkup keluarga, gereja ras masyarakat. Babilon make strategi pemisahan, kalak singuda denga ipesirang ras orang tua. Termasuk dunia IT pe berpotensi merengggut sie. Gereja di luar kesadarannya menjadi organisasi memisahkan antar keluarga. Contoh anggaran terkecil man permata ras KA-KR, terbesar man orang tua. uga banci support terbesar man orangtua? Perlu siamati programta apakah menyatukan atau ikut memisahkan dan mengelompokkan? Perpisahan kalak sipentar ras sienterem, masyarakat lanai cerdas. Bas situasi sibagenda sasaran pelayanan 2023 penting secara teologis, ideologis, prinsip pelaksanaan teknis.
Unit pusat harus jadi contoh kinerja siberkolaborasi, saling menopang. Buka komunikasi guna menutup celah pemisahan ras ideologi sila sipahami, termasuk perayaken menjadi yang terhebat si justru jadi ideologi perpecahan untuk terhebat, tercepat, terkuat ras ter-sidebanna siakibatna meriah siakap kalak lit i teruhta. Perlu sinilai , minsdset-ta kerna sie.
Kolaborasi eme strategi mengikis ideologi sila terpertanggungjababken enda. Melala dengan kesempatenta membangun prinsip kolaboratif isetiap tingkaten. Spirit radu sikuningen perlu sibangun, gelah ulihna pe radu meningkat kerina. Tuhan Jesus la pernah mengajarken sikap nggeluh, i ja Ia meganjang erkiteken kita ipeteruk. Melala dengan peluangta guna melakoken prinsip Kerjasama. Ula kita membanggaken kai si la bernilai tambah bas pelayanenta. Spirit jenis enda perlu sipantangtawarken. Malemlah ateta adi mejile sideban erkiteken kinibersamanta. Enda teridah bas surplus keuangenta genduari. Gundari 7 pendeta sekolah S-2, enda ulih kerjasama kinerja i lapangen kerina. Janah adi terus meningkat, bas SKMS banci siupayaken kenaiken gaji 25%, segelah ula lit pendeta di bawah upah minimum regional.
Lemah denga kal spirit synodal bas gerejata, bergerak secara synodal. Perayaken target tercapai lanai muat bagin secara setoran, sementara lit denga runggun dem alu kekurangen. Kita butuh mental synodal simemiliki keperdulian ras kebersamaan. Bagepe iupayaken pembinaan merata man kerina serayan Tuhan, segelah seri visi ras misi. Segelah ula keputusen ras kebijaken la seh ku kerina tingkaten perpulungen/sector, padahal hitungan biaya persidangen seh kal buena (lebih 44 M setahun).
Perlu kinerja sinergi antar unit 40-50%, contoh adi bas 620 runggun, erban 1 konten, 27 klasis lit tiap 2 minggu, rikut unit-unit, maka 1200 konten banci iban bas setahun ikelola bas chanel official TV GBKP kulebe enda. Ketua umum pe ngingetken permasalahan unit perlu icatat guna ibaba ku konpen untuk jadi pergumulan teologis.
Pengantar keuangan sisisehken Bendahara Umum Pt. Mulia Peranginangin nehken situasi keuangen membaik. Tahun 2022 keuangen GBKP menuju normal. Setoren bersih bas Klasis ku Moderamen selama 8 tahun enda denga terbaik. Kidekah enda 12 klasis defisit, tading 3 klasis nari. Si luar biasa lit terobosen, bagi Sinabun kidekah enda lit denga dampak bencana gunung Meletus, gundari enggo nyetor. Sumbagsel nggo nyetor 150 juta. Runggun la tambah, jemaat la tambah, enda buah pelayanen. Piga-piga siman pekenan : masalah kerja rani, ula la sue momo Warta GBKP Maranatha ras setoren ku Moderamen GBKP. Genduari 100 kalak Pdt gaji dibawah umr, enda iupayaken segelah sesuai UMR. Tahun 2023 program berjalan ras keuangan stabil tentu enda nuduhken kinerjata lebih baik, ras dampak pelayanen i jemaat. Pertanyaan gereja sideban bagaimana GBKP menggaji 550 Pdt dengan jemaat 320.000? Melala terbaik bas GBKP guna igaungken dingen jadi pengataken bujurta man Dibata si Mada GBKP.
Acara rapat kordinasi alu pemaparan Sekretaris Umum ras kerina Ketua Bidang alu pemaparan pelaksanaan program 3 bulan sienggo erdalan, rikut pe rencana kerja 3 bulan ku lebe. Ipersingeti Sekum Pdt. Yunus Bangun, MTh maka untuk pengalihan program iban surat bas biro ke Moderamen GBKP guna persetujuan pelaksananna. Piga-piga agenda penting siisehken bas Kabid nari eme : tetap ikembangken program GBKP alu kerja sama (siurup-urupen) antar unit. Tgl. 25 Mei UP DAI Moderamen GBKP erban seminar dialog antar iman i kantor Moderamen GBKP. Alpa Omega menjajaki pelayanan orang dengan gangguan jiwa (ODGJ, sigenduari itandai alu istilah disabilitas mental). HUT AO ke-35 (21 Juli 2023) irencanaken imeriahken pertandingan dan edukasi catur atau marathon Internasional. Pendekatan Yakes GBKP lanai erban pendekatan pengobatan massal, tapi lebih melakukan screening massal untuk deteksi dini penyakit (guna sie ibutuhken pengadaan EKG dan USG portable/mobile).
(Pdt. Imanuel Kemenangan Ginting, STh. Biro Humas dan IT Moderamen GBKP).