Bahasa Indonesia

Pencanangan Tahun Sasaran Pelayanan GBKP 2022

Pdt. Imanuel Kemenangan Ginting, S.Th | 16-02-2022

Semangat sosialisasi kerna sasaran pelayanan GBKP 2022 enggo ilakoken secara Synodal, bagepe Klasis, dingen bas paksa enda enggo seh ku tingkat runggun-runggun rikut perpulungen jabu-jabu. Tentu sasaran pelayanen GBKP 2022 enda iarapken banci pe jadi gerakan bersama kerina warga jemaat, ija topik penting siman dalanenken eme kreatif merawat lingkungan.


Bas pencanangen enda teridah antusiasme si meganjang bas kerina tingkatan pelayanan i tengah GBKP. Semangat perduli dingen muat bagin erkiteken tema siisehken eme persoalen kritis dingen krisis sisangana tangkas iidah dingen inanami dampak kemerosotan daya dukung lingkungen nandangi kegeluhen. GBKP Pulo Brayan Klasis Medan Kuta Jurung eme sada runggun sienggo ngelakoken pencanangen tema sasaran pelayanen. Enca dung pencanangen siilakoken BPMR GBKP Pulo Brayan, Pdt. Ngatur br Tarigan, selaku Pendeta Runggun mbere penjelasen kerna erti logo pencanangen. Rikut pengajuk segelah tiap jabu perpulungen muat bagin bas geraken kreatif merawat lingkungen, segelah lit kenyamanen rikut kesehaten pe. 


Perwakilen Perpulungen singerana ngataken maka,”Sipenting kerna kreatif merawat lingkungen enda eme aksina!” Keperdulian terhadap keberlanjuten doni man generasi penerus, “Ula sitadingken air mata, tapi mata air siusahaken tinading man anak-anakta!” nina orang tuata alu tegas. 


Bas bingkai kreatif merawat lingkungan setiap pencanangan i tiap tingkaten sada agenda acara eme pembagian bibit ras penanaman pohon. Bagi GBKP Runggun Tiga baru, bas pencanangen enggo ibagiken bibit jambu per pjj dingen kategorial. Tentu hal sipenting la terjeng penanamen, tapi pe perawaten mesti jadi perhatian bersama. Hal simenarik Guru KAKR Tigabaru mis nuanken bibit sialokenna i halaman Gedung KAKR Tigabaru. Tentu adi erbuah pagi batang jambu enda kerina anak KAKR banci mperanisa segelah la ia muas dingen nambahi vitamin C-na. 


Bas kreatif merawat lingkungen enda, kesadaren kerna daya dukung lingkungen nandangi kiniulin kegeluhen menghadirken lingkungen sejuk, bersih, tertata indah dingen mbereken kesehaten arah oksigen simelimpah alu litna tumbuh-tumbuhan siisuan dingen irawat i sekelewetta. Secara nyata pe enda enggo ilakoken i tengah perpulungen, bagi siidalanken pjj sektor 4 Runggun Namo Rih, bagepe pjj Kanaan Runggun Tiga baru. 


Tentu seh kal ulina adi perpulungen i daerah aliran sungai banci nuduhken kegiaten kreatif merawat lingkungan alu menjaga kebersihan daerah aliran sungai. Alu sienda banci menghadirkan keanekaragaman hayati bas kegeluhen nurung-nurung sienggo ndekah lanai teridah. 


Kuta-kuta sikidekah enda ibenai dingen idungi alu tumpukan sampah dingen bau simeluat sincedai penganggeh igung nggo paksana ibersihken.  Enda kerina banci jadi adi ersada arih, ersada gegeh, perukuren dingen pertoton bas kreatif merawat lingkungan, memilih dingen memilah sampah. Apai sibanci jadi kompos pupuk, apai sibanci idaurulang, apai sibanci idayaken mulihi tentu ngurangi sampah sincedai lingkungen ras doni enda. (Pdt. Imanuel Kemenangan Ginting, STh. Biro Humas dan IT Moderanen GBKP).