Retreat Serayan Ras Keluarga GBKP Runggun Sukamakmur Klasis Sibolangit
Pt. Abil Tarigan | 09-07-2023
Retreat Serayan Ras Keluarga Majelis Runggun GBKP Sukamakmur Klasis Sibolangit ilakoken ibas Wari Jumat-Sabtu 7-8 Juli 2023 ku Silalahi(i Wisma Lau Raja).Retreat enda iikuti kurang lebih 125 kalak peserta si berkat arah Jambur Mejuah-juah Desa Sukamakmur sebagai titik kumpul jam 14.00 WIB Turut serta bas kegiaten enda Pandita Runggun Pdt.Surya Sembiring STh,sienggo memasuki Pensiun ras Pdt.Wilson Tarigan SSi Teol.sebagai Pandita Runggun Sukamakmur simbaru si Pisah Sambut ras Jemaat/ Runggun ibahan bas Wari Minggu 9 Juli 2023,ija Pdt.Surya Sembiring STh itaruhken ku rumah inganna tading i Sumbul ras Pdt Wilson Tarigan SSi Teol.ku rumah dinasna si enggo isikapken Runggun i Sukamakmur. Kebaktin Berngi ibabai Ketua Moderamen GBKP Pdt.Krismas Imanta Barus,MTh.LM.Renungen ibuat ibas Johanes 2:1-10,kerna Kerja Erdemu Bayu i Kuta Kana.Ija ibas tradisi kalak Yahudi semalna Kerja Erdemu Bayu ibahan 7 wari 7 berngi ras teremna sipulung berkisar 5000 kalak.
Siterjadi ibas kematangen persiapen simada kerja,terjadi perubahen itengah perdalanen kerja e,kekurangen lau anggur.Emaka nina Ketua Moderamen enda Serayan Tuhan harus siap menghadapi tantangan ras perubahen zaman sibanci terjadi setiap saat. Sope lenga nehken Renungen Pdt.enda mereken motivasi kerna Renovasi Gedung Gereja Runggun Sukamakmur simembutuhken biaya berkisar Rp.1,2 M.Nina mari sigejapken uga belinna pemere Dibata sialoken tep tep wari saja.Lapedah ndauh siukuri piga ratus liter lau untuk peridinta saja sikeriken ras piga ratus liter sada wari oksigen siperluken guna erkesah.Bicara e iperduitken,piga M nge e sada wari saja pemere Dibata man banta,engkai maka la terdungi guna Renovasi Gerejata si hanya Rp.1,2M.Asakai nge e biaya siipedarat Mamre untuk ngisap 2 batang Dji Sam Soe tiap wari ras asakai nge biaya ikeriken Moria sekali nyontil saja,cuba siukuri.Bicara biaya si e siakumulasiken ras sibereken guna biaya Renovasi enda,ma enggo dung Gereja e. Terdauhen nina ka Ketua Moderamen enda kerna Kerja Erdemu Bayu i Kuta Kana,ija simada kerja ngundang Maria Nande Yesus ras Yesus si kalak bujur,emaka dungna la njuru kerja e.Bagepe selaku Serayan Pt/Dk ula medu erbahan si bujur.Arah Retreat Serayan ras Keluarga enda iharapken banci memotivasi meningkatken kapabilitas ras kompetensi Serayan Pt/Dk guna lebih ras lebih ergiah melayani Kebaktin Sabtu pagi ibabai Pdt.Wlson Tarigan SSi Teol.erpalasken Keluaren 4:10-20,ija Dibata mereken kengasupen man Musa erbahan tanda kuasa,Aku kari singajari kam nina Tuhan man Musa.Bage pe man kerina Serayan Tuhan Pt/Dk ibas ngerana man perpulungen,ula lit terbelas kata aku la beluh,la ngasup,sebab je Dibata sierkuasa.(Pt.Abil Tarigan)