Ramah Tamah Sietehlah Kai Sura-Sura Tuhan Simandahin kenta Tahun 2024
Pdt. Imanuel Ginting, S.Th | 08-01-2024Kabanjahe, 08 Januari 2024
Alu tema : Simale enggo lepas, simbaru enggo reh ( ll Korinti 5:17). Rikut Sub-tema: Mengketi tahun simbaru jadi kesempaten mpelimbarui kegeluhen siterulin asangken silepas guna ngelakoken perbahanen sierguna man kalak sideban. Enggo erdalin alu mehuli ramahtamah mbengketi tahun 2024 siilakoken i Kantor Moderamen GBKP. Bas kotbahna Pdt. Justen Tarigan, MTh nehken renungen alu palas II Korinti 5:16-18. Isehken Pendeta enda maka menjelang akhir tahun 2024 melala pindo pertoton segelah geluh ulanai mberatsa bagi tahun 2023. Keluh kesah siturah erkiteken situasi aktual. Kai siinanami Paulus tetap nge lit perbeben, lit ka kemalemen ate. Lit gegeh Tuhan, simpepaler perkuah ate-Na gelah ngasup kita ngalaken perbeben. Termasuk nalihken imbang jadi teman. Nggeluh simbaru la mesunah, lit semangat tapi tengah dalan banci ka lolo. Gegeh bas Dibata jadi deret ukur ras deret hitung. Pertumbuhen kelahiren manusia melampui sie. Geluh simbaru bas kecepaten 60 km/ jam, sindekah 80 km/ jam, la sesuai. Paulus ngingetken adi nggeluh simbaru, sindekah harusna enggo sai. Ula abu-abu, singgur sindekah ras simbaru.
Kecibal perpulungen memanfaatkan posisi bas situasi terbaik. Celah sila berguna harus itutup. Kita mekatep terlalu usil man jelma sideban. Orang kuat mencari potensi pada dirinya, labo bas orang lain. Potensi siikembangkan, labo dekahen ngenen kekurangen entah kesalahen. Bage pe perlu sinen potensi GBKP. Bas diskusi mekatep teridah kita hebat, lewat sie salang sai, lanai lit kai pe. Rencanaken kegeluhen sigenduari melampaui geluh sigel-gel. Dibata mendesak/memaksa (ekballo) Jesus ngalaken perbeben, marabahaya, penderitaan sinuduhken kebenaren. Jesus mentasi sie.
Kita pe nggeluh bas desaken sibage rupa, ula dekahen ngenen kelemahen kalak. Kai kerina sijadi masalah harus sidalani, tapi terus ku tujuan. Rikut dukungen keluarga pe harus ikut bas nggeluh simbaru. Sasaran pelayanen mindo kita ersikap man kalak, sementara man diri sendiri pe la tersikap. Mekatep kendalata eme la mendarat pikiren kerna sasaran pelayanan ras program, simesera idah perpulungen. Tiap tahun kai pe programna, ritrit harus tetap lit. Guna sie kita erlajar lebih baik, butuh kerja keras erbahanca mendarat, segelah pusuh jadi lapang ngalo-ngalosa. Kita harus saling menopang ras mendukung bas kelebihan si lit.
Bas kata sambuten siisehken Benyamin Tarigan mewakili kerina pegawai Moderamen GBKP isehken maka,”Bas erbage perbeben geluh, tetap erpengendes man Tuhan segelah sietehlah kai sura-sura Tuhan simandahinkenta tahun 2024.” Bagepe mewakili kategorial isehken Pdt. Firdaus,”Mbengketi tahun 2024 kecepaten pelayanenta perlu isesuaiken semakin cepat.” Pdt. Marta br Ginting mewakili unit pelayanen ningetken,”Bas sasaran pelayanan berguna ras berkarya man jelma sideban perlu ibaba semangat yang terluka yang menyembuhkan.” Ketua Umum Moderamen GBKP Pdt. Krismas I. Barus, MTh. LM ngataken,”2 kata untuk waktu eme : Kronos secara kronologi kalender waktu, berjalan dan hilang. Kairos lit bas kekekalan. Tahun baru eme Kairos. Tuhan memberi tantangan, e selaku anugerah simelatih segelah kita cocok ras situasi. Lingkungan menantang kita, atau kita menciptakan tantangen. Kalak sirusur jungut-jungut la sesuai ras kegeluhen. Lit persoalen e mpegegehi otot-otot kegeluhen pertendin simbaru ngalaken persoalen. Persoalen jadi meriah ukur entah kiniseran? Tugasta ertahun baru kita natap kegeluhen simbaru alu mindo gegeh kengasupen bas Tuhan nari. Sasaran pelayanan 2024 eme tantangen, ula jungut-jungut ngidah enda jadi petaka. Tahun baru sibengketi alu pola pikir simbaru. Perubahan si lit bas kegeluhen enda butuh penyesuaian, gelah ula jadi rasa sakit. Sehat-sehat kita kerina. Singgit erlajar tetap ngasup ngalaken tantangen.” Acara erdalan alu meriah dingen iselingi doorprize ras pujian man Tuhan siibabai Pdt. Alfensius. (Pdt. Imanuel Kemenangan Ginting, STh)