Berita Singkat Sidang Majelis Klasis XI

| 02-04-2022

Sidang Majelis Kelasis (SMK) XI Bekasi Denpasar nggo erdalan alu mehuli ibas tanggal 26 Maret 2022. Sidang ibenaken melalui media Zoom Meeting si ibuka mulai jam 08.30 Wib guna pendaftaren peserta jenari tepat ibas 09.00 Wib ibadah ibenaken si ielai Runggun Surabaya alu pengkhotbah Pdt. Maria E. Br Sitepu., S. Th.

Ibas SMK XI Bekasi Denpasar enda lit tambahen acara, ibere kesempaten ngerana man 2 Panitia setingkat Klasis Bekasi Denpasar eme Panitia pencarian dana pembangunen gereja Runggun Bumi Anggrek ras Panitia pengadaan rumah dinas ketua klasis Bekasi Denpasar. Bege pe ibere kesempaten man kalak karo si erbahan kebaktian alu liturgi GBKP i Manado guna ngerana mpetandaken diri man peserta SMK XI.

Kerina jadwal ras proses persidangen erdalan alu mehuli jenari kerina peserta ngikutisa alu tutus seh maka ibas jadwal, sidang dung ibas jam 17.00Wib tapi penutupen sidang tertunda ku jam 19.00Wib.

Puji Tuhan, ibas SMK XI Bekasi Denpasar iputusken kerna Perminggun Solo si ikep-kep Rg. Yogyakarta bagepe Perpulungen Manado si ikep-kep Rg. Graha Harapan.

Bagenda me berita singkat SMK XI Bekasi Denpasar. Terpuji gelar Dibata arah pelayanenta.