Peringeten 132 Tahun Seh Na Berita Simeriah Man Kalak Karo
Pdt. Imanuel Ginting, S.Th | 30-04-2022Sibolangit, 18 April 2022.
Prosesi perayaan 132 tahun sehna berita simeriah man kalak Karo Senen, 18 April 2022 ilakoken alu sederhana. Kegiaten siilakoken eme ziarah naruhken bunga simerim ku pusara (alm) Pdt. Agustinus P. Purba, STh. MA, iikuti ziarah Penginjil dingen Pendeta silit i komplek GBKP Runggun Sibolangit. Kebaktian ielai Pdt. Kalvinsius Jawak (Kabid. Kesaksian). Tema perayaan enda eme : “ERSAKSI ALU NJAGA RAS ENGKELENGI KERINA TINEPA DIBATA (KEJ. 1:28), SUB-TEMA : ANGGOTA GBKP ERSAKSI ARAH ORAT GELUHNA ALU MUAT BAGIN NJAGA RAS ENGKELENGI KERINA TINEPA DIBATA GUNA NEHI PERAYAKEN PROGRAM PELAYANAN GBKP 2022.
I bas kotbahna Kabid. Kesaksian menekanken 1. Dibata enggo njadiken kerina sinasa lit alu Dem kepentaren. 2. Man manusia enggo ibereken Dibata kepentaren, emaka selaku kalak si erkemalangen man Dibata Ersaksi alu njaga ras engkelengi tinepa Dibata alu kepentaren Dibata. 3. Biarenlah kita man Si Nepa asangken man tinepa.
Amin pelaksanaan peringeten sisederhana, tapi kerina sihadir tuhu nggejapken keriahen dingen ngidah uga pengkawali, penemani dingen penaruhken Tuhan gereja-Na bas kiniulin dingen kejuah-juahen seh 132 tahun. Acara imeriahken alu pujian dingen erbagi kue peringeten alu cimpa matah ras inemen nira.
Pdt. Alfensius Surbakti (Tim PI Moderamen GBKP)