Bahasa Indonesia

Kunjungan Pelayanan Moderamen GBKP Ku Klasis Medan Namorambe

Pdt. Imanuel Ginting, S.Th | 14-06-2022

KUNJUNGAN PELAYANAN MODERAMEN GBKP KU KLASIS MEDAN NAMORAMBE PENDETA TUGAS KHUSUS BIRO HUMAS DAN IT MODERAMEN KU BATU PENJEMUREN

Batu Penjemuren, 12 Juni 2022

Guna sosialisasi program Moderamen GBKP, rikut menyerap aspirasi jemaat bas peningkatan pelayanan Moderamen GBKP maka enggo ilakoken kunjungan pelayanan Moderamen GBKP ku Klasis Menara. Pelayanan siilakoken eme ngelai bas kebaktian Minggu Trinitas, ngidah kemuliaan Tuhan teridah i belang-belang doni. Kemuliaan siteridah bas ngkelengi, ngasuhi dingen mpekena-kena tinepa-Na. Bage me jelma siitepa mulia rikut mehaga idilo labo ngukuri kai saja banci kubuat guna kebayakenku, tapi kai tole kuban segelah doni enda mehuli kinilitenna bagi pengidah Sinepasa dingen Simadasa, teridah min enda arah kreatif merawat lingkungan.

Dung kebaktian iterusken ceramah kerna program Moderamen GBKP : 1. Kerna kerja Rani, krisis dampak covid-19  dingen situasi global silanga menentu mbages kal dampakna ku keuangan GBKP secara keseluruhen. Bas situasi sidinamis rikut pelonggaran pembatasan iarapken banci ilakoken kerja rani alu dem keriahen dingen kesangapen nehken persembahen kerja rani bas paksa sigenduari. 2. Minggu United Evanglical Mission  selaku kiniersadaan pelayanan Gereja i telu benua perlu sitotoken rikut sidukung guna advokasi hak azasi manusia, justice peace and integration of creations, diakonia, pemberdayaan masyarakat, pekabaran Injil, rikut kemitraan 3. Sasaran pelayanan 2022, eme alu muat bagin bas pekena-kena doni enda alu tindakan sederhana tapi nyata, misalna ngkurangi pemakaian kantong plastik, ikut muat bagin bas bank sampah.

Bagepe ipaparken kerna Humas dan IT Moderamen GBKP sienggo mengelola media digital One Click GBKP (dingen ipraktekken langsung download gratis i hp masing-masing), tik tok Moderamen GBKP, SIAJ, You tube, Pod cast (Senin jam 20.00-dung) Fb. Enda kerina ilakoken guna menghadirken penandai sipositif mengenai GBKP rikut dokumentasi/publikasi aksi nyata siilakoken GBKP i tengah perpulungen rikut ku sienterem.

Diskusi rikut sumbang saran :

  1. Perluna ipersiapken tim verifikasi segelah banci erdahin alu mehuli, ngeteh pendahinna alu benar.
  2. Ngiyahken jemaat sienggo 60 tahun banci min muat bagin bas kegiatan zaitun.
  3. Kerna sasaran pelayanan 2022 iban min secara terfokus kegiatan penanaman pohon i daerah situhu-tuhu kritis lingkungan.
  4. I daerah Tanah Karo lit situasi wabah bengkala i daerah produk jaung (Buah Raya), banci min lit mitra jaringan bas Moderamen GBKP nari guna mengatasi hal enda.
  5. Perluna jemaat secara bijak bas ermedsos, kai sijadi masalah internal ula ndauh ipebelang arah medsos. Misalna Serayan kebaktian ku gereja-gereja sideban sebab jadi antuken man perpulungen.
  6. Banci min lit media transparansi keuangan bas kegiatan-kegiatan gereja (pembangunan gedung ras sidebanna).

 

(Pdt. Imanuel Kemenangan Ginting, STh-Biro Humas dan IT Moderamen GBKP)