Guna meningkatken efisiensi ras profesionalisme i bas kantor
Moderamen Gereja Batak Karo Protestan (GBKP), Moderamen GBKP erbahan
Rapat Koordinasi (Rakor) ras kerina pegawai Kantor Moderamen GBKP.
Perjumpan enda ilakoken i bas wari Selasa, 20 Januari 2026, jam 08.00
WIB, i Aula Kantor Moderamen GBKP i Kabanjahe.
Rapat koordinasi ibabai Sekretaris Umum Moderamen GBKP, Pdt. Yunus
Bangun, M.Th., idampingi Wakil Sekretaris Umum Moderamen GBKP, Pt.
Enriko Fenri Tarigan, S.Si., MM., janah ihadiri kerina pegawai Kantor
Moderamen GBKP.
Agenda utama ibas rapat enda mbahas telu pilar penting ibas pengelolaan organisasi, eme :
1.Peraturen Kepegawaian Kantor Moderamen GBKP: Sosialisasi ras
penguaten peraturen si berlaku man kerina pegawai guna meningkatken
disiplin kerja si konsisten.
2.Job Desk/ Uraian Tugas: Penjelasen mulihi kerna tugas-tugas tep-tep
pegawai guna peningkaten tanggung jawab pelayanen i Kantor Moderamen
GBKP.
3.Tata Cara Operasional Standar Pelayanen (SOP): Standarisasi Tata
Cara Operasional (SOP) gelah tep-tep pelayanen i Kantor Moderamen
erdalan alu cepat, tepat, ras transparan.
Pdt. Yunus Bangun nekanken maka Kantor Moderamen eme jantung
administratif sinode, alu bage terjamin keselarasen antara peraturan si
lit ras pelaksananna. Bagepe Pt. Enriko Fenri Tarigan nambahi pentingna
penguasaan teknologi ras pengelolaan waktu ibas mendukung tugas-tugas
pelayanen ibas jaman digital enda.
Arah rapat koordinasi enda iarapken kerina pegawai mpelimbarui
komitmen kerja ras nehken pelayanen si terbaik guna kemulian Tuhan ras
kemajun GBKP (Pt. Enriko Fenri Tarigan, S.Si, MM - Wasekum Moderamen
GBKP).
