Sue ras visi – missi GBKP, maka “Kita eme aron Dibata, si nggeluh maba pasu-pasu man doni enda.” Peran Pendeta ibenaken arah ketutusen mengembangken talenta si ibere Dibata, ras ngembangken talenta-talenta si lit ibas perpulungen ras masyarakatta, jenari e iberdayaken guna memperluas ruang partisipasi perpulugen ibas gereja ras masyarakat. Enda enda me tandana kita sekalak permakan nandangi rarasen Tuhan si enggo itebusNa alu Dareh ras KesahNa. JADI PENDETA GBKP eme JADI PANDITA MASYARAKAT. Tentuna, enda jadi tanggungjawab si membutuhkan dedikasi, komitmen ras kemauan belajar si cukup kuat.
Dage man bandu kerina Pandita si itangkuhken, Moderamen GBKP ngataken selamat melayankan diri man Tuhan arah pengabdian man gereja ras masyarakat. Moderamen ngataken bujur man kerina BPMR ras perpulungen ija calon panditanta enda baci erlajar ngelai seh baci ia itangkuhken jadi pendeta. Moderamen pe ngataken bujur man keluarga (orang tua) kerina panditanta si itangkuhken wari enda, si enggo empersembahken anakndu jadi serayan Tuhan ibas gerejanta GBKP enda. Tuhanlah si masu-masu kam kerina.
Janah secara khusus, Moderamen GBKP ngataken bujur man Panitia Penangkuhen eme Majelis Runggun GBKP Pujidadi ras BPMK Binje Langkat si enggo erlatih-latih mpersembahken ketutusen guna nikapken acara penangkuhen enda alu mehuli. Dibata si masu-masu kerina pendahin Panitia. Dibata si ersimulih nandangi kerina kinilatihenndu ibas mensuksesken acara penangkuhen enda.
Bage me kata sambuten enda isehken kami, terpuji gelar Tuhan si mada Gereja ras selamat melayani man bandu kerina Pandita kami si itangkuhken. Tuhan simasu-masu kita.
MODERAMEN GBKP
Pdt. Krismas Imanta Barus, M.Th, LM
Ketua Umum
Tempat : GBKP Runggun Pujidadi Klasis Binjai Langkat, Minggu, 16 Agustus 2026.
